आज मङगलबार शेयर बजार सामान्य अंकले बढेको छ । नेप्से ३ दशमलव ३९ अंकले बढेर १,२५९ दशमलव ३७ को बिन्दुमा कायम भएको छ । ट्रेडिङ, उत्पादनमुलक, लाइफ इन्स्योरेन्स र म्युचल फण्ड बाहेक सबै उपसूचकहरु बढेका छन् । सबैभन्दा धेरै २२ अंकले निर्जीवन बीमा समुह बढेको छ ।
दिनभरिमा १ सय ७१ वटा कम्पनीको १० लाख १३ हजार ७ सय ९४ कित्ता शेयर ५ हजार १ सय ४२ पटक खरिदविक्री हुँदा २९ करोड ४३ लाख ५ हजार रुपैयाँको कारोबार भएको छ । सबैभन्दा धेरै सिद्धार्थ बैंक प्रोमोटर शेयरको ३ करोडमाथिको कारोबरा भएको छ ।
त्यसैगरी नेपाल बैंक, प्रभु बैंक, कृषि विकास बैंक, नेपाल लाइफ इन्स्योरेन्सको १ करोडमाथिको कारोबार भएको छ । त्यसैगरी शिवम सिमेन्टको ९८ लाख ६९ हजार रुपैयाँको कारोबार भएको छ ।
यूनाइटेड इन्स्यारेन्स र नयाँ नेपाल लघुवित्तका लगानीकर्ताले सबैभन्दा धेरै ९ प्रतिशतका दरले कमाएका छन् भने यूनियन हाइड्रोका लगानीकर्ताले सबैभन्दा धेरै ६ प्रतिशतका दरले गुमाएका छन् ।
