यो साता नेप्से परिसूचक सामान्य अंकले घटेको छ । बजारमा शेयर खरिद चाप घटेर विक्री चाप बढेसँगै नेप्से परिसूचक २ दशमलव ५७ अंकले घटेको हो । अघिल्लो साता नेप्से परिसूचक १,२७२ दशमलव ४९ को विन्दुमा कायम भई बन्द भएको थियो भने यो साता नेप्से परिसूचक १,२६९ दशमलव ९२ को विन्दुमा कायम भई बन्द भएको छ ।
यो साता दोस्रो बजारमा ७१ लाख ९२ हजार कित्ता शेयर खरिदविक्री हुँदा १ अर्ब ९७ करोड ७७ लाख रुपैयाँको कारोबार भएको छ । अघिल्लो साता ८५ लाख ९९ हजार कित्ता शेयर खरिद विक्री हुँदा १ अर्ब ९० करोड ११ लाख रुपैयाँको कारोबार भएको थियो ।
यो साता सबैभन्दा धेरै नेपाल बैंकको १३ करोड ७५ लाख रुपैयाँको कारोबार भएको छ । यो साता टप टेन कारोबार गरेका कम्पनीहरुमा कृषि विकास बैंक, प्रभु बैंक, नेपाल लाइफ इन्स्योरेन्स, सिभिल बैंक, नबिल बैंक, शिवम् सिमेन्ट, अपर तामाकोशी एनआइसी एशिया बैंक र मेगा बैंक हुन् ।
यो साता जीवन बीमा समुहको २ लाख १८ हजार कित्ता शेयर किनबेच हुँदा १६ करोड ५४ लाख रुपैयाँको कारोबार भएको छ भने निर्जीवन बीमा समुहको १ लाख ३१ हजार कित्ता शेयर ७ करोड ३० लाख रुपैयाँको कारोबार भएको छ ।
