नेशनल लाईफ इन्स्योरेन्स कम्पनी लिमिटेडले मृतकका परिवारलाई दाबी रकम हस्तान्तरण गरेको छ । खोटाङ दिक्तेल शाखा कार्यालयले मृतकका परिवारलाई बीमा रकम हस्तान्तरण गरेको हो ।
कम्पनीले साकेला गाउँपालिका वडा नम्बर ३ खिदिमाका मृतक बीमित मणी कुमार राईको श्रीमती शिवकला राईलाई दाबी वापतको १ लाख ४२ हजार ६ सय रुपैयाँको चेकहस्तान्तरण गरेको हो । कम्पनीका शाखा कार्यालय प्रमुख नविन श्रेष्ठले सो चेक हस्तान्तरण गरेका हुन् ।
मृतक राईले मिति २०६९ असार ३१ जीवन बीमा अभिकर्ता उत्तरा राई मार्फत १ लाख बीमाङ्क रकमको बीमा गराएका थिए । मृतक बीमितले हाल सम्म सात किस्ता बुझाएका थिए।
सरकारले पिछल्लो समय मृत्यु दाबी रकममा असुल गर्दै आएको कर मिनाहा गरेपछि कम्पनीले शतप्रतिशत रकम मृतकको परिवारलाई हस्तान्तरण गरेको हो ।
