रिलायन्स लाइफ इन्स्योरेन्सले सम्पर्क केन्द्र संचालनमा ल्याएको छ । चौबीसै घण्टा वा ३ सय ६५ दिन नै सम्पर्क केन्द्र संचालन गरी ग्राहकहरुलाई बीमा सेवा दिने भएको हो । जीवन बीमाको बारेमा जनचेतना अभिबृद्धि गर्न सञ्चालित केन्द्रको बुधबार बीमा समितिका अध्यक्ष चिरञ्जीवी चापागाई र कम्पनीका अध्यक्षले सयुक्त रुपमा उद्धघाटन गरेका थिए ।
सम्पर्क केन्द्रबाट आम नागरिकले जीवन बीमा, कम्पनीको योजनाहरुको बारेमा परामर्श लिनुका साथै ग्राहक र रिलायन्स साथी(अभिकर्ता)ले सल्लाह, सुझाव र गुनासो कम्पनीको आधिकारिक फेसबुक, ट्वीटर, वेबसाइट, इमेल वा मोबाइल एप र फोन मार्फत उक्त सूचना लिन सक्ने व्यवस्था गरेको कम्पनीले जनाएको छ ।
कार्यक्रममा बेल्दै रिलायन्स लाईफ इन्स्योरेन्स कम्पनीका सिईओ प्रविण रमण पराजुलीले ग्राहकलाई केन्द्रविन्दुमा राखेर हामीले यस सम्पर्क केन्द्र सेवा ल्याएका छौ । साथै यस सेवाले जीवन बीमाको क्षेत्रमा समेत जनचेतना अभिवृद्धि गर्ने जानकारी दिए।
