सिटिजन लाइफ इन्स्योरेन्सले मृत्यु दाबी भुक्तानी गरेको छ । कम्पनीले मृत्यु दाबी भुक्तानी वापत १८ लाख रुपैयाँ बराबरको रकम भुक्तानी गरेको हो । कम्पनीले दुबईमा बसोबास गर्दै आएका बीमित गोकर्ण खत्रीको असामयिक निदन भएको कारण निजको श्रीमतीलाई उक्त्त रकम भुक्तानी गरेको हो ।
घातक रोग अन्तर्गतको ब्रेनट्युमर भएपश्चात मृतक स्वयमलाई कम्पनीले उपचारको लागि र ५लाख प्रदान गरेको थियो। उपचारको क्रममा निजको मृत्यु भएपछि कम्पनीले मृतकका श्रीमती जानकि दांगीलाई १३ लाख प्रदान गरेको छ ।
दुबईमा घातक रोगको उपचार गराउँदै आएका खत्री थप उपचारको लागि नेपाल आएका थिए । अपरेशनकै क्रममा मृत्यु भएको खत्रीको परिवारलाई कम्पनीले मृत्यु पश्चात् दाबी भुक्तानी स्वरुप १३ लाख रुपैयाँ र यस अघि उपचारको लागि ५ लाख गरी कुल १८ लाख हस्तान्तरण गरेको हो ।
सिटिजन लाइफ इन्स्योरेन्स कम्पनीका प्रमुख कार्यकारी अधिकृत पोषकराज पौड्यालले सो रकम हस्तान्तरण गरेका हुन् ।
ग्राहकवर्गको सुरक्षा र निश्चिन्तताको लागि सिटिजन लाइफ इन्स्योरेन्स कम्पनीले नेपालमै पहिलो पटक ल्याएको सिटिजन जीवन सारथी र क्रिटिकल केयर प्लस जस्ता नवीन तथा नौलो योजनाहरुले ग्राहकहरुको मन जित्न सफल भएको छ ।
जीवन सारथी योजना अन्तर्गत बीमितले ९० वर्षको उमेरसम्म पैसा पाउने छन, भने क्रिटिकल केयर प्लस मार्फत बीमितले सर्वाधिक २० घातक रोगहरु विरुद्ध ५० लाख सम्मको औषधि उपचार खर्च प्राप्त गर्नेछन् ।
