प्राईम लाईफ इन्स्योरेन्स कम्पनी लिमिटेडको चालु आर्थिक बर्ष २०७५/७६को तेस्रो त्रैमासमा बीमाशुल्क आर्जन १८ प्रतिशतले बढेको छ । चालु आवको चैत मसान्तसम्ममा कम्पनीले १ अर्ब ९४ करोड बीमा शुल्क आर्जन गर्न सफल भएको छ । अघिल्लो आवको सोही अवधिमा कम्पनीले १ अर्ब ५८ करोड रुपैयाँ बीमाशुल्क गरेको थियो ।
कम्पनीले प्रकाशन गरेको चालु आवको तेस्रो वित्तिय विवरण अनुसार गत आवको अन्त्यसम्मा कम्पनीमा ४ लाख ९२ हजार २८६ बीमालेख कायम रहेको छ । अघिल्लो आवको सोही अवधिमा कम्पनीमा ५लाख ५९ हजार ६५२ बीमालेख कायम रहेको थियो ।
त्यस्तै, कम्पनीले चैत मसान्तसम्ममा ३४ करोड ८६ लाख रुपैयाँ दाबी भुक्तानी गरेको छ । यो रकम अघिल्लो आवको सोही अवधिको तुलनामा २८ प्रतिशतले बढी हो । अघिल्लो आवको सोही अवधिमा कम्पनीले २४ करोड ८१ लाख रुपैयाँ दाबी भुक्तानी गरेको थियो ।
चालु आवको तेस्रो त्रैमाससम्ममा कम्पनीको भुक्तानी हुन बाँकी दाबी रकम १ करोड ४८ लाख रहेको छ भने, कम्पनीले ४० वटा दाबीको भुक्तानी गरेको छैन ।
कम्पनीको जगेडा कोष १४ प्रतिशतले बढेर १ अर्ब ११ करोड ९ लाख रुपैयाँ पुगेको छ । अघिल्लो आवको सोही अवधिमा कम्पनीको जोड कोष ९४ करोड ८२ लाख रुपैयाँ थियो । कम्पनीको जीवन बीमा कोष भने २६ प्रतिशतले बढेर ८ अर्ब १४ करोड रुपैयाँ पुगेको छ । कम्पनीको महाबिपत्ती कोषमा १० करोड ८६ लाख रुपैयाँ सञ्चित छ ।
कम्पनीको प्रतिशेयर आम्दानी १२ रुपैयाँ २३ पैसा, प्रतिशेयर नेटवर्थ १६८ रुपैयाँ ३३ पैसा र मूल्यआम्दानी अनुपात ३७ दशमलव ६२ रहेको छ ।
