हामी भन्न चाहन्छौँ

431


बीमा समितिको तथ्यांक अनुसार गत पुस महिनासम्ममा नेपालमा बीमाको पहुँच १७ प्रतिशत पुगेको छ । समितिले बीमाको पहुँच बढेको ठोकुवा गरिरहँदा बीमा कम्पनीका प्रमुख कार्यकारी अधिकृतहरु भने व्यक्तिगत विक्री भएका बीमा योजना गणना गर्ने हो भने मुश्किलले ४ प्रतिशत मात्रै पुगेको बताउँछन् । तथ्यांकले साढे दुई बर्षको अवधिमा बीमाको पहुँच ६ प्रतिशतले बढेको देखाए पनि आम मानिसको बीमा प्रतिको दृष्टिकोणमा परिवर्तन भने आएको छैन ।

बीमा भनेको सुरक्षा हो । फाईदा होईन । तर, आम मानिसले अझै पनि बीमा गरिएको रकलमाई बैंकमा जम्मा गर्ने रकमसँग तुलना गर्छन् । बैंकले निश्चित समय पछि सावाँ र ब्याज भुक्तानी गर्न सक्ला तर जोखिमको सुरक्षण गर्दैन । न त बचत गर्नका लागि बाध्य बनाउँछ । त्यसमा पनि नेपाल जस्तो प्राकृतिक रुपमा अत्ति जोखिम रहेको मुलुकमा बीमाको अपरिहार्यता छ । तर, बीमा कम्पनीले समयमा नै दाबी भुक्तानी नगर्ने, बीमा अभिकर्ताले आफनो व्यवसायीक मर्यादा कायम नराख्ने लगायतका कारण बीमा प्रति मानिसको सोच सकरात्मक हुन सकेको छैन । साथै बीमाका बिषयमा ज्ञान नहुँदा पनि बीमाको पहुँच बढ्न नसकेको हो ।

यसै परिप्रेक्ष्यमा आम मानिसमा बीमा प्रति सचेतना जगाउँन, बीमा कम्पनी, बीमा समिति लगायत अन्य सरोकारवाला निकायलाई खबरदारी गरी बीमा व्यवसायलाई पारदर्शी बनाउँने अभिप्रायका साथ इन्स्योरेन्स खबर डटकमको सुरुवात गरिएको थियो । हामीले २०७५ बैशाख १ गते देखि औपचारिक सुरुवात गरेका थियौ । यो एक बर्षको अवधिमा हामीले समयमा दाबी भुक्तानी नहुने समस्या, बंैकारेन्सको गलत प्रचार, अभिकर्ता र सर्भेयरमा फैलिएको विकृति, नक्कली बैदेशिक रोजगारी बीमा लगायतका बिषयमा लेख्यौ । समग्रमा हामीले आम नागरिकलाई बीमा सम्बन्धी सुसुचित गराउँने प्रयास गर्यौ भने सरकार र सम्बन्धित निकायलाई खबरदारी गर्यौ ।

यो अवधिमा हामीलाई सल्लाह, सुझाव दिएर सहयोग गर्ने बीमा समिति, बीमा कम्पनी र विज्ञापन दाता प्रति हामी आभारी छौ । साथै अभिकर्ता संघ, सर्भेयर संघको सहयोग प्रति पनि हामी कृतज्ञ छौ । आगामी दिनमा पनि हामी तपाईहरुको सहयोगको उत्तिकै अपेक्षा गर्दर्छौ ।

साथै आगामी दिनमा हामी हाम्रा पाठकलाई बीमा सम्बन्धी सुचना तथा जानकारी दिन प्रतिबद्ध छौ । हामी चाहन्छौ बीमा योजना कम्पनीले विक्री गर्ने हैन नागरिकले खरिद गर्ने वातावरण सृजना होस । र यो तब मात्रै सम्भव छ जब हामी मानिस जोखिम र बीमाका बारेमा सचेत हुन्छन् । आम नागरिकलाई बीमा सम्बन्धी जानकारी दिएर सचेत गराउँन इन्स्योरेन्सखबरडटकम सदैव एक कदम अगाडी रहने पनि हामी हाम्रो पाठकहरुलाई जानकारी गराउँन चाहन्छौ ।
साथै नयाँ वर्ष २०७६ सालको हार्दिक मंगलमय शुभकामना व्यक्त गर्दछौ ।

कविता लामिछाने
प्रधान-सम्पादक

यसमा तपाइको मत

कृपया आफ्नो प्रतिक्रिया दिनु होला ।
कृपया आफ्नो नाम यहाँ लेख्नु होस्