चालु आर्थिक बर्ष २०७५/७६ को दोस्रो त्रैमास अवधिमा निर्जीवन बीमा कम्पनीहरुले १ अर्ब ३७ करोड रुपैयाँ खुद नाफा आर्जन गरेका छन् । कम्पनीहरुले प्रकाशन गरेको वित्तीय विवरण पुसमसान्त सम्ममा कम्पनीहरुले उक्त नाफा आर्जन गरेको देखिएको हो ।
तथ्यांक अनुसार शिखर इन्स्योरेन्स सबैभन्दा धेरै मुनाफा आर्जन गरेका छ । कम्पनीले दोस्रो त्रैमास अवधिमा २१ करोड २० करोड रुपैयाँ मुनाफा आर्जन गरेको छ । त्यस्तै गरी नेको इन्स्योरेन्स धेरै नाफा आर्जन गर्ने कम्पनीमध्ये दोस्रोमा परेको छ । उक्त अवधिमा कम्पनीले १७ करोड ३ लाख रुपैयाँ खुद नाफा आर्जन गरेको छ भने राष्टिय बीमा कम्पनीले १६ करोड ८४ लाख रुपैयाँ खुद नाफा आर्जन गरेको छ ।
नयाँ कम्पनीहरुमा अजोड इन्स्योरेन्सले १ करोड २३ लाख रुपैयाँ नाफा आर्जन गरेको छ । जनरल इन्स्योरेन्सले १ करोड २९ लाख र सानिमा जनरल इन्स्योरेन्सले १ करोड २८ लाख रुपैयाँ मुनाफा आर्जन गर्न सफल भएको छ ।
त्यस्तै पुसमसान्तसम्ममा कम्पनीहरुको जगेडा तथा कोष ५ अर्ब ५९ करोड रुपैयाँ पुगेको छ । राष्ट्रिय बीमा कम्पनीको सबैभन्दा ठूलो कोष छ । उक्त अवधिमा कम्पनीको कोषमा २ अर्ब १५ करोड रुपैयाँ जम्मा भएको छ ।
कम्पनीहरुको बीम कोषमा भने ९ अर्ब ३ करोड रुपैयाँ जम्मा भएको छ । त्यस्तै सेयर पूँजी १२ अर्ब ४४ करोड रुपैयाँ पुगेको छ । 
