कामना सेवा विकास बैंक लिमिटेडले ६५ औँ शाखा सञ्चालनमा ल्याएको छ । बैंकले प्रदेश नं २ को सप्तरी जिल्ला, वडा नं ०६ महुलीमा शाखा स्थापना गरेको हो ।
बैंकका संचालक विश्वेश्वर सुवेदी तथा प्रमुख कार्यकारी अधिकृत प्रविण बस्नेतले सप्तरी शाखा कार्यालयको संयुक्त रुपमा कारोबार शुभारम्भ गरेका हुन् ।
काठमाडौं, ज्ञानेश्वरमा केन्द्रीय कार्यालय रहेको बैंकले देशका विभिन्न भागहरुमा ६५ वटा शाखा तथा १७ वटा एटीएम मार्फत ग्राहकहरुलाई आफनो सेवाहरु प्रदान गर्दै आइरहेको छ ।
साथै बैंकले एबीबीएस, एसएमएस बैंकिङ, मोबाइल बैंकिङ, मोबाइल बैंकिङ र सी–आस्वा लगायतका माध्यमबाट समेत सम्पूर्ण बैंकिङ्ग सेवाहरु उपलब्ध गराउँदै आएको तथा समय सापेक्ष आफ्ना सेवाहरु थप गर्दै जाने बैंकको योजना रहेको बैंकले जनाएको छ ।
