प्रिमियर इन्स्योरेन्स कम्पनीले चालु आर्थिक वर्ष २०७५/७६ को दोस्रो त्रैमासको अवधिमा ७९ करोड ५४ लाख रुपैयाँ कुल बीमा शुल्क आर्जन गरेका छ । गत आको सोही अवधिको तुलनामा यो रकम २.६५ प्रतिशतले बढी हो । गत आवको सोही अवधिमा कम्पनीले ७७ करोड ४८ लाख ६६ हजार रुपैयाँ कुल बीमा शुल्क आर्जन गरेको थियो ।
चालु आवकोे दोस्रो त्रैमासको अवधिमा कम्पनीले १ लाख ३ हजार १ सय २१ बीमालेखहरु जारी गरेको छ । गत आवको सोही अवधिमा कम्पनीले ९४ हजार ४ सय ४७ बीमालेख जारी गरेको छ । यस्तै, कम्पनीले ३ हजार ३२ दाबी वापत ५४ करोड ८६ लाख ८८ हजार रुपैयाँ कूल दाबी भुक्तानी गरेको छ । भने ३ हजार ७ सय २२ दाबी वापत ९६ करोड ९७ लाख २६ हजार रुपैयाँ दाबी भुक्तानी गर्न बाँकी रहेको छ ।
गत आवको पुस मसान्तको तुलनामा चालु आर्थिक वर्षको दोस्रो त्रैमासको अवधिमा कम्पनीले आफ्नो खुद नाफा ८.८० प्रतिशतले मात्र बढाएको छ । गत आवको यसै अवधिमा ५ करोड ४१ लाख खुद नाफा कमाएको यस कम्पनीले हाल ५ करोड ८८ लाख रूपैयाँ खुद नाफा आर्जन गरेको हो ।
५८ करोड ४० लाख रुपैयाँ चुक्ता पुँजी रहेको यस कम्पनीको बीमा कोषमा ४३ करोड १ लाख रुपैयाँ रहेको छ । कम्पनीको प्रतिशेयर आम्दानी २० रुपैयाँ १६ पैसा रहेको छ । यस्तै, प्रतिशेयर नेटवर्थ २ सय ८३ रुपैयाँ २४ पैसा रहेको छ ।
