बीमा कम्पनीहरुलाई पूँजी जुटाउँन ६ महिना थप गर्न बिमक संघले बीमा समितिलाई सुझाव दिएको छ । समितिले कम्पनीहरुसँग पूँजी थपको बिषयमा राय सुझाव मागेको थियो । सो अनुसार विमकहरुले आगामी २०७६ असारसम्ममा समय थप गर्न सल्लाह दिएको थियो ।
बीमा समितिले बीमा कम्पनीहरुलाई २०७५ असार मसान्तसम्ममा पूँजी जुटाउँन निर्देशन दिएको थियो । उक्त अवधिमा पूँजी जुटाउँन नसक्ने कम्पनीहरुलाई तीन/तीन महिना गरी दुई पटक पूँजी बृद्धिको लागी समय थप गरिदिएको थियो । जस अनुसार कम्पनीहरुले पुस महिनासम्म पूजी जुटाउँनु पर्ने थियो ।
तर, बीमा समितिले चालु आव देखि कम्पनीहरुको वित्तिय विवरणमा एनआरएफएस प्रणाली लागू गरेपछि कम्पनीहरुले समयमा नै साधारण सभा गर्न सकेनन् । त्यसैले पूँजी जुटाउँन असहज भएको भन्दै कम्पनीहरुले समय थप गर्न समितिलाई सुझाएका हुन् ।
समितिको निर्देशन अनुसार जीवन बीमा कम्पनीले चुक्ता पूँजी २ अर्ब र निर्जीवन बीमा कम्पनीले १ अर्ब पुराउँनु पर्नेछ ।
