बीमा समितिले महालक्ष्मी लाईफ इन्स्योरेन्स कम्पनीलाई चुक्ता पूँजी पुराएर आउँन पत्राचार गरेको छ । कम्पनीका अनुसार अदालतले समितिको पुनरावेदनको निस्सा अस्वीकृत गरेपछि कम्पनीले सञ्चालन अनुमती पाउँने निश्चित देखिएको हो ।
समितिले कम्पनीलाई १ करोड २० लाख एअरमार्क गर्न र कम्पनीको खातामा रकम जम्मा गर्न निर्देशन दिएको छ । यद्यपी कम्पनीले यसअघि नै पूँजी संकलन गरी सकेकोले यो औपचारिकता मात्रै भएको कम्पनीको दाबी छ ।
सर्वोच्च अदालतबाट सञ्चालन प्रक्रिया अगाडी बढाउँने अनुमती पाएको महालक्ष्मीको लाईसेन्स प्रक्रिया पछिल्लो पटक अर्थमन्त्रालयले रोकेको थियो । मन्त्रालयले बीमा समितिलाई अदालतको फैसलाको पुनरावलोकन गर्न निर्देशन दिएपछि मन्त्रालयले नै महालक्ष्मीले लाईसेन्स पाउँन भन्ने नचाहेको प्रष्ट देखिन्छ । तर, अदालतले गत असोजमा नै समितिको निस्सा नै अस्वीकृत गरेपछि कम्पनी सञ्चालनको बाटो खुलेको हो ।
