नेप्से परिसूचक साताको दोस्रो दिन १८ दशमलव ०४ अङ्कले घटेर १२३८ दशमलव ६७ अङ्कमा बन्द भएको छ । कारोबार रकम ५३ करोड ९६ लाख रुपैयाँ पुगेको छ ।
उत्पादनमूलक क्षेत्रको परिसुचक बाहेक अरु सबै क्षेत्रको परिसुचकमा गिरावट आएको छ । सबै भन्दा धेरै विकास बैंक क्षेत्रको परिसुचक १ दशमलव ९५ प्रतिशतले घटेको छ । उत्पादनमूलक क्षेत्रको परिसुचकमा मात्र वृद्धि आएको छ । उत्पादनमूलक क्षेत्रको परिसुचकमा १ दशमलव १६ प्रतिशतले वृद्धि भएको हो । सबैभन्दा धेरै नेपाल बैंक लिमिटेड ७ करोड ८८ लाख बराबरको शेयर किनबेच भयो ।
सबै भन्दा धेरै नाडेप लघुवित्त वित्तीय संस्थाको सेयरमा ९ दशमलव ९६ प्रतिशतको वृद्धि देखियो भने सबै भन्दा धेरै भार्गव विकास बैंकको शेयर ९ दशमलव ०४ प्रतिशतले घट्न पुग्यो ।
निर्जीवन बीमा कम्पनीको उपसुचक १ दशमलव २२ प्रतिशतले घटेको छ भने ५ हजार ८ सय ४ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक १ दशमलव ३८ प्रतिशतले घटेर ५ हजार ५ सय ९७ को बिन्दुमा बन्द भएको छ ।
आज दिनभरिमा निर्जीवन बिमा कम्पनीहरूको २ करोड ३१ लाख बराबरको कारोबार भएको छ , भने जीवन बीमा कम्पनीहरूको २ करोड १२ लाख बराबरको कारोबार भएको छ ।
निर्जीवन र जीवन बीमाको उपसुचकमा गिरावट आएको छ ।
