कालिका पावर कम्पनीले सर्वसाधरणलाई जारी गरेको आईपिओ वुधवार बाँडफाड भएको छ । वुधवार कम्पनीको शेयर १ लाख १३ हजार १७७ जना आवदेकले १० कित्ताको दरले विभाजन गरेका छ । कम्पनीले गत भदौ २८ गतेदेखी असोज ९ गते सम्ममा १२ लाख कित्ता आईपिओ बिक्रि खुल्ला गरेको थियो ।
जसमा २४ हजार कित्ता कम्पनीका कर्मचा
री र ६० हजार कित्ता सेयर म्युचुअल फन्डहरुलाई छुट्याएर बाँकी रहेको ११ लाख ९६ हजार कित्ता सेयर सर्वसाधारणको लागि निष्काशा गरीएको हो ।
कर्मचारीलाई छुट्याएको सेयरमध्ये १५ हजार ७७० कित्तामा आवेदन नपरेपछी सर्वसाधरणलाई नै उक्त शेयर थप गरी बाँडफाड गरिएको हो । १२ करोडको आईपिओको लागि ८० करोड ६ लाख ९९ हजार रुपैयाँ बराबरको आवेदन परेको थियो भने, ८० लाख ६ हजार ९९० कित्ता सेयरका लागि आवेदन परेकोमा १८ हजार ७८० कित्ता सेयरका लागि दिएको आवेदन रद्द भएको छ ।
१सय२० वटा दोहोरो आवेदनको कारण र २६ वटा आवेदन कम्पनीले माग गरेको कारण रद्द भएको हो । प्राथामिक निष्काशनमा प्राकृतिक व्यक्त्तिले मात्र आवेदन गर्न पाउने व्यवस्था रहेको छ ।
यसअघि कालिकाले गत माघ २१ देखि आयोजना प्रभावित गोरखाका स्थानीयबासिन्दालाई १० प्रतिशत अर्थात ६ करोड रुपैयाँ बराबरको ६ लाख कित्ता आईपिओ निष्काशन गरेर बाँडफाँड गरिसकेको छ । साधारण सेयर जारी गरेपछि कम्पनीको चुक्ता पूँजी ६० करोड रुपैयाँ पुग्नेछ।
