काठमाडौं: प्रभु इन्स्योरेन्स लिमिटेडको संचालक समितिले ४६% हकप्रद शेयर बाडफाड गरेको छ ।
इन्स्योरेन्सले १०० रुपैयाँ अंकित मूल्यको हकप्रद जेठ १३ गतेसम्म कायम रहेका शेयरधनीलाई १ः०.४६ अनुपातमा ३१ लाख ६६ हजार ६७७.६३ कित्ता सेयर बिक्री खुल्ला गरेको थियो । हकप्रद भर्ने अबधिमा ७ हजार सात सय ३६ जना शेयारधनिबाट ३० लाख २९ हजार ६ सय एकसठ्ठी कित्ता शेयरको लागि मात्र आबेदन परेको धितोपत्र निष्काशन तथा बिक्री प्रबन्धक प्रभु क्यापिटलले जनाएको छ । अब बिक्रि नभएको १ लाख सठ्तिस हजार सोह्र कित्ता शेयर लिलाममा बिक्रि गर्नुपर्ने भएको छ ।
हाल इन्स्योरेन्सको चुक्ता पुँजी ६८ करोड ८४ लाख ८ हजार १८१ रुपैयाँ छ । लिलाम गर्नु पर्ने शेयर बिक्री पछि चुक्ता पूँजी १ अर्ब ५० लाख ७५ हजार ९४४ रुपैयाँ पुग्नेछ ।
