रास्ट्रिय बीमा कम्पनीले गर्यो ओम डेभलपमेण्ट बैंक र पोखरा बिश्वबिध्यालय संग फरक फरक सहमति

काठमाडौ । सरकारी स्वामित्वको राष्ट्रिय बीमा कम्पनी लिमिटेड् र ओम डेभलपमेण्ट बैंकबिच भाद्र ०२ गते औपचारिक रुपमा बैंकास्योरेन्स सहमति सम्पन्न भएको छ । बैकको प्रधान कार्यलय पोखरामा सम्पन्न उक्त सहमतिमा बैकका तर्फबाट प्रमुख कार्यकारी अधिकृत बिश्वमोहन अधिकारी र राष्ट्रिय बीमा कम्पनी लिमिटेड्को तर्फबाट प्रमुख कार्यकारी अधिकृत वीर बिक्रम रायमाझिले हस्ताक्षर गरेका छन् ।

सम्झौतामा बैंकले आफ्नो सम्पत्ती, ग्राहक तथा कर्मचारीहरुको दुर्घटना, स्वास्थ र लगानी गरिएको सम्पत्ति माथीको बिभिन्न प्रकारको बीमा सरकारी स्वामित्वको राष्ट्रिय बीमा कम्पनीबाट सहजरुपमा गर्ने ब्यबस्था गरिएको छ । यस सम्झौता मार्फत बैकका ग्राहकहरुले बैंकका ५३ शाखाबाट सबै प्रकारका निर्जीवन बीमा लेख प्राप्त गर्दै आवश्यक परेको समय दाबी भुक्तानी सहजरुपमा लिन सक्ने छन ।

सरकारी स्वामित्वको बीमा कम्पनीले नयाँ ब्यबसायीक रणनिती अनुरुप आक्रमक रुपमा बजार बिस्तार गर्दै दाबी परेको समयमा सहजरुपमा दाबी भुक्तानी गर्ने प्रतिबद्धता दोहर्याएको छ । यो सम्झौताले ओम डेभलपमेण्ट बैंकको सबै प्रकारको लगानीलाई सुरक्षण प्रदान गर्ने छ । बैंक र बीमाको माध्यमबाट नै देश को अर्थ ब्यबस्थामा प्रभावकारी बिकास गर्न सकिने हुदा दुबै पक्ष मिलेर ग्राहकको बिश्वास लिदै सेवा प्रदान गर्न दुबै पक्ष कटिबद्ध रहेका छन ।

त्यैसैगरी भाद्र ०२ गतेनै , पोखरा बिश्वबिध्यालय अन्तरगतको स्कुल अफ बिजनेस संग पनी मानब संसाधन तथा बीमा सचेतना अभिबृर्दी गर्ने सहमती भएको छ । राष्ट्रिय बीमा कम्पनी  लिमिटेड्को शाखा कार्यालय पृथ्वीचोकमा सम्पन्न कार्यक्रममा कम्पनीका तर्फबाट प्रमुख कार्यकारी अधिकृत वीर बिक्रम रायमाझि र पोखरा बिश्वबिद्धालय, स्कुल अफ बिजनेस का निर्दैशक डा. रबिन्द्र घिमिरेले हस्ताक्षर गरेका छन् ।

यस सहमती पश्चात पोखरा बिश्वबिद्धालय, स्कुल अफ बिजनेस का बिबिए र बिआई, बिबिए र एमबिए का बिध्यार्थिहरुलाई बिमा बिषयमा सोधकार्य र इण्टर्नसिप गर्ने कार्यमा बीमा कम्पनीले सहजिकरण र सहयोग गर्ने छ । इण्टर्नसिप र सोधकार्य गर्न अब पोखरा बिश्वबिद्धालय, स्कुल अफ बिजनेस का बिबिए र बिआई, बिबिए र एमबिए का बिद्धार्थिहरु शहर केन्द्रित नभई ग्रामिण क्षेत्रमा जानु पर्ने छ ।

कम्पनीले तोकेका स्थानिय तहमा गई पशु तथा पंक्षी बीमा, बाली बीमा र लघु बीमाको बारेमा तल्लो तहका जनतालाई सचेत गर्नु पर्ने हुन्छ । राज्यले प्रदान गरेको पशु तथा बाली बीमाको अनुदान बास्तविक कृषक संग नपुगेको र निजी बीमा कम्पनीहरु शहर केन्द्रित भई रहेको बर्तमान सन्दर्भमा सरकारी स्वामित्वका यि दुई निकायहरुको सहमतीले जनताको तल्लो तह सम्म बीमा ज्ञान पुग्ने र सरकारले प्रदान गरेको अनुदान तल्लो तहै सम्म पुग्ने बिश्वास गरिएको छ ।

गत आषाढ १ देखी सुकल्याण पराजुली बजार बिज्ञको रुपमा राष्ट्रिय बीमा कम्पनीमा नियूक्त भए पश्चात कम्पनीले आक्रमक बजार रणनिती अबलम्बन गर्दै आएको छ।

प्रतिक्रिया दिनुहोस्

सम्बन्धित समाचार