शिखर इन्स्योरेन्सको खूद नाफा ४३ करोड १६ लाख

Citizen Life Insurance Co

काठमाण्डौ: निर्जीवन बिमा कम्पनीमध्येकै आकर्षक शिखर इन्स्योरेन्स कम्पनी लिमीटेडले आर्थिक वर्ष २०७४/७५ को चौथो त्रैमाससम्म खूद नाफा १९.८९ प्रतिशतले बढेको छ। अघिल्लो वर्ष यस्तो नाफा ३६ करोडमा सीमित थियो । चालु आर्थिक वर्षको तेस्रो त्रैमासमा कम्पनीले ३१ करोड १ लाख ६ हजार रुपैयाँ खुद नाफा कमाएको थियो ।

समीक्षा अवधिमा कम्पनीले १ अर्ब ७७ करोड बढी खूद बिमा शुल्क आर्जन गरेको छ । कम्पनीको पुनर्बिमा कमिसनबाट हुने आय २७ करोड ९७ लाखबाट बढेर ३५ करोड ३४ लाखको उचाईमा पुगेको छ । अघिल्लो वर्ष बिमाशुल्कबाट १ अर्ब ४१ करोड रुपैयाँ आर्जन गरेको थियो । यस्तै, लगानी कर्जा तथा अन्यबाट हुने आय १४ करोड १४ लाख पुगेको छ । अघिल्लो वर्ष यस्तो आय ७ करोड ७४ लाखमा सीमित थियो ।

शिखरले समीक्षा अवधिमा ९६ करोड ८८ लाख खूद दाबी भुक्तानी गरेको छ।अघिल्लो वर्ष यस्तो भुक्तानी ६५ करोड ३५ लाख थियो।

सेवाशुल्क र व्यवस्थापन खर्च ह्वात्तै बढेको देखिएको छ भने कम्पनीले २ लाख ९३ हजार ८ सय ७५ बिमालेख जारी गरिसकेको छ । अघिल्लो वर्षको यही अवधिसम्म २ लाख ६४ हजार ७ सय २५ बिमालेख मात्र जारी गरेको थियो ।

शिखरको जगेडाकोष भने घटेको छ । अघिल्लो वर्ष २६ करोड ६६ लाख रहेको कोष घटेर यो वर्ष २४ करोड २७ लाख मात्र जम्मा भएको छ । समीक्षा अवधिमा कम्पनीको बिमाकोष ६३ करोड ५३ लाखमा सीमित बिमा कोष बढेर ८५ करोड ११ लाखको उचाईमा पुगेको छ भने महाविपत्ति कोष ५ करोड २९ लाखमै सीमित छ ।

यो अवधिमा शिखरको प्रतिसेयर आम्दानी ४०.८२ रुपैयाँ, प्रतिसेयर नेटवर्थ २०८.४६ रुपैयाँ र मूल्य आम्दानी अनुपात २४.१३ गुणा कायम भएको छ । हाल कम्पनीको चुक्ता पुँजी १ अर्ब ५ करोड छ। गत वर्ष नाफाबाट २९% बोनस सेयर र कर तिर्न १.५३% नगद लाभांश पारित गरेको थियो भने यस वर्षको लाभांश घोषणा गर्न बाँकी छ।

प्रतिक्रिया दिनुहोस्

सम्बन्धित समाचार