गत आवमा करिब ६६ करोडको लघुबीमा जारी

Citizen Life Insurance Co

गत आर्थिक बर्ष २०७४/७५ मा निर्जीवन बीमा कम्पनीहरुले ६६ करोड १८ लाख रुपैयाँ बराबरको लघुबीमा गरेका छन् । उक्त बीमा  बापत कम्पनीहरुले २७ लाख ११ हजार रुपैयाँ बीमाशुल्क संकलन गरेका छन् । कम्पनीहरुले ५ हजार २६२ वटा बीमालेख जारी गरेका छन् ।

कम्पनीको तथ्यांक अनुसार कम्पनीहरुले जारी गरेको लघुबीमा अन्र्तगत ३ हजार ९६३ वटा व्यक्तिगत दुर्घटना बीमालेख जारी भएको छ । त्यस्तै, स्वास्थ्य बीमालेख ९९३ वटा जारी भएको छ । घातक रोग बीमालेख १०५ वटा जारी भएको छ । ९२ वटा पशु बीमा जारी भएको छ भने एउटा बाली बीमा जारी भएको छ । ५५ वटा लघु उद्यमी बीमा र ५३ वटा गाहस्र्थ बीमालेख जारी भएको छ । तर, बाली बीमालेख भने एउटा मात्रै जारी भएको छ ।

व्यक्तिगत दुर्घटना बीमालेख धेरै जारी भएपनि गत आर्थिक बर्षमा स्वाथ्य  बीमाबापत सबैभन्दा बढी बीमाशुल्क संकलन भएको छ । कम्पनीहरुले लघुबीमा पुल मार्फत जारी गरेको लघुबिमा योजनामध्ये स्वास्थ्य बिमा बापत कम्पनीहरुले १५ लाख ८६ हजार रुपैयाँ बीमाशुल्क संकलन गरेका छन् । व्यक्तिगत दुर्घटना बीमा बापत भने ७ लाख ५० हजार रुपैयाँ संकलन भएको छ । पशु बीमा बापत २ लाख १५ हजार रुपैयाँ बीमाशुल्क संकलन भएको छ ।

प्रतिक्रिया दिनुहोस्

सम्बन्धित समाचार