नेपाल धितोपत्र वोर्डले नयाँ लगानीकर्तालाई प्रशिक्षण दिन शुरु गरेको छ । बोर्डको बार्षिक योजना अनुसार शुक्रबार देखि बोर्डले लगानीकर्तालाई प्रशिक्षण दिन शुरु गरेको हो ।बोर्डले हाललाई पाक्षिक रुपमा नयाँ लगानीकर्तालाई दुई घण्टाको तालिम दिने भएको छ । तालिममा सहभागी हुनका लागी बोर्डले सुचना नै प्रकाशन गरेको बोर्डका कार्यकारी निर्देशक परिष्टिनाथ पौडेलले बताए ।
उनका अनुसार तालिममा सहभागी हुनका लागी १५० जनाको आवेदन परेको थियो । तर, बोर्डको तालिम कोठाको क्षमता सानो भएकाले एक पटकमा ५० जनालाई तालिम दिईने उनले बताए ।
शुक्रबार प्रशिक्षण कार्यक्रमको औचारिक उद्घाटन गर्दै बोर्डका अध्यक्ष डा.रेवत बहादुर कार्कीले आगामी दिनमा प्रत्येक हप्ता प्रशिक्षण दिईने योजना रहेको बताए । यसै गरी आगामी भदौ १५ र २९ गते तालिम सचांलन गर्ने भएको छ ।
