IME Life

कृषि बीमाबाट करिब सवा ४१ करोड बिमाशुल्क आम्दानी

SPIL
NIC ASIA
  • रिना खत्री
    गत आर्थिक बर्ष २०७४/७५ को जेठ महिनासम्मको कृषि तथा पशु बीमाबाट ४१ करोड २० लाख रुपैयाँ बिमाशुल्क आम्दानी भएको छ । बिमा समितिको तथ्यांक अनुसार गत आवको जेठ महिनासम्ममा निर्जीवन बीमा कम्पनीहरुले उक्त बिमाशुल्क आम्दानी गरेका हुन् ।
    जसमध्ये उक्त अवधिमा अन्नबाली बीमा अन्र्तगत ६४ लाख रुपैयाँ बीमाशुल्क आम्दानी भएको छ । त्यसैगरी तरकारी बीमाबाट ३१ लाख, फलफूल बीमावाट १ करोड, माछाबाट १ करोड ३९ लाख रुपैयाँ बीमा शुल्क संकलन भएको समितिको तथ्यांकमा उल्लेख छ । साथै पशुबाट ३२ करोड २६ लाख र पन्छीबाट ५ करोड ६० लाख रुपैयाँ बराबरको बीमा शूल्क संकलन भएको समितिले जानकारी दिएको छ ।
    पछिल्लो पटक बिमा समिलिते कृषि बिमाको बिषयमा जनचेतना जगाउने कार्यलाई तिव्रता दिएको समितिका उप निर्देशक कुन्दन सापकोटाले बताए । तर, कृषि बिमा प्राविधिक भएकाले कृषकहरुले झन्झटिलो मान्ने गरेको उनले बताए । कृषि बिमालाई विस्तार गर्न स्थानीय सरकारले पनि पहल गर्नुपर्ने उनले बताए ।

    कृषि बीमा गर्दा सरकारले प्रदान गर्न अनुदान रकम ३० करोड ९० लाख रुपैयाँ रहेको छ । सरकारले यस अवधिमा अन्नबाली बीमाका लागि ४८ लाख, तरकारी बीमाका लागि २३ लाख, फलफूल बीमाका लागि ७५ लाख, माछा बीमाका लागि १ करोड ४ लाख रुपैयाँ अनुदान दिएको छ ।
    यस्तै पशु बीमाका लागि २४ करोड १९ लाख रुपैयाँ र पन्छी बीमाका लागि ४ करोड २० लाख रुपैयाँ बराबरको अनुदान रकम भुक्तानी गरेको छ । आव २०७३/७४ को सोही अवधिमा भने कृषि बिमा बापत कम्पनीहरुले ४२ करोड ६३ लाख रुपैयाँ आर्जन गरेका थिए ।

नेपाल लाइफलाई घाँडो बन्यो सर्वाधिक बोनश दरको राग, अभिकर्ताले दिए दबाब काठमाडौं । जीवन बीमक नेपाल लाइफ इन्स्योरेन्स कम्पनीको देशभरका अभिकर्ता आन्दोलनमा उत्रिएका छन् । नेपाल लाइफले सार्वजनिक गरेको आर्थिक वर्ष...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Sanima Reliance
GBIME
Vianet

सम्बन्धित समाचार

Insurance Khabar Mobile App Android and IOS