काठमाडौँ: बुटवलमा केन्द्रीय कार्यालय रहेको चौतारी लघुवित्त वित्तीय संस्थाले आफनो ४०औँ शाखा पश्चिम रुकुमको चौरजहारीमा विस्तार गरेको छ । वित्तीय संस्थाका अध्यक्ष जगत बहादुर पोख्रेलले उक्त शाखाकी सदस्य मैनकली वलीलाई ब्यवसायीक कर्जा रु.१००,००० रुपैयाँ वितरण गरि औपचारीक रुपमा शाखाको उद्घाटन गरे । उक्त अवसरमा वित्तीय संस्थाका अध्यक्ष पोख्रेलले चौतारी लघुवित्त वित्तीय संस्था वास्तबमै गरिब, दु.खी र असाहयहरुको लागि भारी बिसाउने चौतारी बन्ने कुरामा विश्वस्त हुन आग्रह गरे ।
उपस्थीत स्थानीय बुद्धिजिबि तथा अन्य स्थानीय बासीन्दाले चौतारी लघुवित्त गाउँआगनमा आई सेवा दिएकोमा खुशी प्रकट गरे । सो अवसरमा वित्तीय संस्थाका सञ्चालक गोपाल वस्याल, पुष्पराज ढकाल तथा वित्तीय संस्थाका प्रमुख कार्यकारी अधिकृत लक्ष्मण घिमिरे र आन्तरीक लेखा परिक्षण प्रमुख बिमल खनालको पनि उपस्थीती रहेको थियो ।
चौतारी १५ जिल्ला कार्यक्षेत्र भएको लघुवित्त वित्तीय संस्था हो ।लघुवित्तको अधिकृत पुँजी ३० करोड र जारी पुँजी १८ करोड रुपैयाँ रहेको छ । कम्पनीको चुक्ता पुँजी १२ करोड ६० लाख रुपैयाँ छ । आइपीओ निष्कासन गर्न चौतारी लघुवित्तले एनआइबीएल एस क्यापिटललाई बिक्री प्रबन्धक नियुक्त गरेको छ । सर्वसाधारणलाई सेयर बिक्री गरेपछि चुक्ता पुँजी १८ करोड रुपैयाँ पुग्नेछ । २०७२ सालमा यस संस्थाले नेपाल राष्ट्र बैंकबाट “घ” वर्गको वित्तीय कारोबार गर्न अनुमति पाएको हो ।
