इन्स्योरेन्स खबर/काठमाडौं: नेसनल माइक्रोफाइनान्स वित्तीय संस्थाले गत आर्थिक वर्षको चौथो त्रैमासमा ८ करोड ५७ लाख ६३ हजार रुपैयाँ खुद नाफा कमाएको छ । यो नाफा रकम अघिल्लो वर्षको भन्दा १८.९३% धेरै हो । अघिल्लो वर्ष कम्पनीले ७ करोड २१ लाख ११ हजार रुपैयाँ मात्र खुद नाफा कमाएको थियो । खुद ब्याज आम्दानी र सञ्चालन नाफामा सुधार हुँदा खुद नाफा पनि बढेको हो । यसले ७४ करोड ५८ लाख रुपैयाँ निक्षेप संकलन गरेर २४ करोड १७ लाख रुपैयाँ कर्जा लगानी गरेको छ । यसको लगानी २० लाख मात्रै छ भने जगेडा कोषमा १ करोड ७१ लाख रुपैयाँ छ ।
खराब कर्जाको अनुपात केही बढ्दा पनि कम्पनीको नाफा प्रभावित भयो । उसको खराब कर्जा ०.९२ प्रतिशत छ । जसले सम्भावित जोखिम व्यवस्थापनमा एक करोड ५२ लाख राखेको छ ।संस्थाको चुक्ता पुँजी १२ करोड ३ लाख छ। जसको प्रति शेयर आम्दानी ७१ रुपैयाँ २६ पैसा तथा प्रति शेयर नेटवर्थ २४२.०८ रुपैयाँ रहेको छ ।
