SKIP THIS

PCl

बिमा सम्बन्धित जर्नल प्रकाशन

काठमाडौँ : बिमा सम्बन्धित अनुसन्धान सहितको जर्नल ‘नेपलिज जर्नल अफ इन्स्योरेन्स एण्ड सोसियल सेक्यूरिट’ सार्वजनिक भएको छ । नेपालमा पहिलो पटक रिसर्च एण्ड एसोसियसन अफ नेपालले उक्त जर्नल प्रकाशन गरेको हो ।

जर्नलमा पाँच वटा अनुसन्धात्मक लेख राखिएका छन् । जर्नलमा डिल्ली राज खरेलले नेपालमा सामाजिक सुरक्षा सम्बन्धित पोलिसी तथा कार्यक्रम र यसका प्रभावको बिषयमा गरेको अनुसन्धात्मक लेख राखिएको छ । त्यस्तै, शारदा पाण्डे र प्रा.डा.फत्त बहादुर केसीले नेपालको बिमा क्षेत्रको सेवाको गुणस्तर र घनश्याम निरौलाले नेपालको सामाजिक सुरक्षा सम्बन्धि ट्रेन्डको बिषयमा गरिएको अनुसन्धात्मक लगायतका अन्य लेख पनि राखिएको छ ।

नेपालमा बिमा क्षेत्रको विकास हुँदै गएपनि यस सम्बन्धित अध्ययन अनुसन्धान नहुनु दुखद कुरा रहेको जर्नलका सम्पादक तथा विमा विज्ञ डा. रविन्द्र घिमिरले बताए । ‘तसर्थ नेपालको बिमा बजारलाई गहन रुपमा अगाडी बढाउन अनुसन्धात्मक जर्नल प्रकाशन गरिएको हो,’ उनले भने । जर्नलका आगामी अंकमा बिमा क्षेत्रमा अन्य बिषयमा गरिएको अनुसन्धात्मक लेखहरु समावेश गरिने उनले बताए ।

त्यस्तै, बिमा समितिका सहायक निर्देशक एवम् जर्नलका सहायक सम्पादक राजेन्द्र महर्जनले यो जर्नल बिमा सम्बन्धी अध्ययन गर्न चाहने व्यक्ति, विद्यार्थी, विमकका कर्मचारी लगायतका व्यक्तिलाई उपयोगी हुने बताए ।

प्रतिक्रिया दिनुहोस्

सम्बन्धित समाचार