इन्स्योरेन्स खबर/काठमाडौँ: १२% बोनसका लागि सूर्या लाइफको शेयर मूल्य समायोजन भएको छ। नेप्सेमा प्राप्त सूचना अनुसार कम्पनीको समायोजित मूल्य ५ सय ८० दशमलव ३६ रुपैयाँ तोकेको छ भने आधारमूल्य (बेस प्राइस ) ७ सय २७ दशमलव २१ रुपैयाँ तोकेको छ।
१२ प्रतिशत बोनस शेयरलाई पुँजीमा समायोजन गर्दा कम्पनीको पुँजी १ अर्ब १३ करोड पुगेको छ। त्यस्तै असार ३२ गते सम्पन्न हुने वार्षिक साधारण सभामा कम्पनीले ७० प्रतिशत हकप्रद शेयरको प्रस्तावपनि लैजाँदै छ। ७० प्रतिशत हकप्रद शेयर पछि कम्पनीको पुँजी १ अर्ब ९२ करोड पुग्ने छ।
बीमा समितिका अनुसार जीवन बीमा कम्पनीहरूको पुँजी २ अर्ब पुर्याउन पर्नेछ । ७० प्रतिशत हकप्रद पछी कम्पनीको पुँजी अझै ८ करोडले अपुग हुन्छ। कम्पनीले अझै ४ प्रतिशतले आफ्नो पुँजी थप गर्नु पर्ने छ।
