इन्स्योरेन्स खवर/काठमाडौं: अर्थमन्त्री डा युवराज खतिवडाले बीमा क्षेत्रमा पछिल्लो समय प्रतिष्पर्धा बढेर गएको बताएका छन् । बीमा समितिको ५० औं वार्षिकोत्सवको अवसरमा बोल्दै अर्थमन्त्री खतिवडाले पछिल्लो समय बीमा कम्पनीहरुमा भएको संख्यात्मक वृद्धिसँगै बीमा क्षेत्र पनि प्रतिष्पर्धी भएका उल्लेख गरे ।
कार्यक्रमलाई सम्बोधन गर्दै उनले धेरै संस्था आउँदा सेवा गहन र प्रभावकारी नहुने भन्दै यसतर्फ कम्पनीहरुलाई सचेत गराए । धेरै सस्था आउँदैमा बीमा सेवा गाउँ-गाउँसम्म नपुग्ने उनको भनाई छ । बैंकिङ प्रणालीको उदाहरण दिंदै उनले भने, ‘धेरै सस्था आउँदैमा सबैले सेवा पाउँछन भन्ने छैन् । बैंकिङ सेक्टरको लाईसेन्स बाँडेपछि हामीले देखेका छौं ।’ उनले थपे, ‘बीमामा बैंकिङ प्रणालीको इतिहास नदोहोरियोस् ।’
उनले बीमा कम्पनीहरु केन्द्रिकृत भएर एकै ठाउँमा भिडभाड गर्नुभन्दा पनि गाउँ-गाउँसम्म पुग्न कम्पनीहरुलाई सुझाए । संख्या थप गरेसँगै कम्पनीहरुको सेवा प्रवाह पनि विकेन्द्रिकृत हुनुपर्ने भन्दै उनले त्यसो नभए अन्ततगोत्व मर्ज गर्नुपर्ने अवस्था आउने उनले बताए ।
नयाँ बीमा कम्पनीहरुलाई लक्ष्यित गर्दै अर्थमन्त्री खतिवडाले प्रभावकारी तरिकाले काम गर्न र बीमा व्यवसायमा अझै अवसर छ भन्ने कुराको औचित्य पुष्टि गर्न चुनौती समेत दिए ।
