इन्स्योरेन्स खबर/काठमाडौंः नेको इन्स्योरेन्सले चालू आर्थिक वर्षको तेश्रो त्रैमासिक विवरण पस्केको छ । विवरण अनुसार कम्पनीले गत आर्थिक वर्षको सो अवधिको तुलनामा नाफा ६३ दशमलव ३२ प्रतिशतले बढाएको छ ।
गत आर्थिक वर्षको चैत मसान्तसम्ममा १२ करोड ८८ लाख रुपैयाँ नाफा कमाएको पनिले चालू आर्थिक वर्षको चैत मसान्त्सम्म नाफा ८ करोड १५ लाख रुपैयाँले बढाएर २१ करोड ३ लाख रुपैयाँ पुर्याएको छ ।
७८ करोड ४१ लाख रुपैयाँ चुक्तापूँजी भएको कम्पनीले जगेडा तथा कोषमा ३० करोड १६ लाख रुपैयाँ राखेको छ भने बीमा कोषमा ३८ करोड ९५ लाख रुपैयाँ र महाविपत्ती कोषमा ३ लाख ५१ हजार रुपैयाँ छुट्याएको छ ।
समिक्षा अवधिमा कम्पनीले ७२ करोड ८ लाख रुपैयाँ खुद बीमा शुल्क आर्जन गरेको देखिन्छ । गत आर्थिक वर्षको सो अवधिमा कम्पनीले ५८ करोड ५ लाख रुपैयाँ खुद बीमा शुल्क आर्जन गरेको थियो । त्यसैगरी खुद दाबी भुक्तानी भन २८ करोड ४५ लाख रुपैयाँ देखिन्छ ।
हालसम्म कम्पनीले १ लाख ९७ हजार १५१ बीमालेखबाट १ अर्ब २२ करोड ९२ लाख रुपैयाँ कुल बीमा शुल्क आर्जन गरेको छ । त्यसैगरी २ हजार ९ सय ४१ बीमालेखको ४७ करोड ५३ लाख रुपैयाँ बराबरको दाबी भुक्तानी भएको छ ।
कम्पनीले प्रकाशित गरेको विवरण अनुसार कम्पनीले ३५ करोड ३२ लाख रुपैयाँ बराबरको १ हजार ३ सय २ बीमालेखको दाबी भुक्तान गर्न बाँकी रहेको देखिन्छ । भने २४ हजार ४ सय ४२ बीमालेख नविकरण भएका छैनन् ।
चुक्तापूँजी १४२ प्रतिशतले बढाएको नेको इन्स्योरेन्सको प्रतिसेयर आम्दानी ३५ रुपैयाँ ७७ पैसा कायम भएको छ । जुन गत आर्थिक वर्षको सो अवधिको तुलनामा ४८ प्रतिशतले कमी आएको हो । गत आर्थिक वर्षको तेश्रो त्रैमासमा कम्पनीको प्रतिसेयर आम्दानी ५३ रुपैयाँ थियो । त्यस्तै पिई रेसियो १५.२९ गुणा, प्रतिसेयर नेटवर्थ २३६ रुपैयाँ १४ पैसा र प्रतिसेयर कुल सम्पत्तिको मूल्य ४ सय ५ रुपैयाँ ७५ पैसा रहेको छ ।
