इन्स्योरेन्स खबर/काठमाडौंः साताको अन्तिम दिन बिहीबार पनि सेयर बजार परिसुचक नेप्से घटेरै बन्द भएको छ । बुधबार करिब ५ अंकले ओरालो लागेको बजार बिहीबार ७ दशमलव ७० अंकले घटेर १ हजार ३ सय ४८ दशमलव ४५ अंकमा पुगेर बन्द भएको छ ।
नेप्से करिब ८ अंक झर्दा ३५ करोड ८८ लाख ४४ हजार २६० रुपैयाँको ७ लाख ७३ हजार २ सय १० कित्ता सेयर खरिदबिक्री भएका छन् । बुधबार बजारमा ३४ करोड ७ लाख शेयर कारोबार भएको थियो ।
आज सबैभन्दा बढी नेपाल लाईफ इन्स्योरेन्सको सेयर किनबेच भएको छ । कम्पनीको २ करोड २२ लाख रुपैयाँ बराबरको सेयर कारोबार भएको हो । त्यसैगरी बुटवल पावर कम्पनी, स्वालम्बन लघुवित्त, एनएमबि बैंक, सिद्धार्थ इन्स्योरेन्स, प्रिमियर इन्स्योरेन्सको एक करोडभन्दा बढीको सेयर कारोबार भएको छ ।
बिहीबार कारोबारमा आएका सबै सुचक राताम्मे भएका छन् । जसमध्ये बीमा समूह सबैभन्दा बढी ६९ दशमलव २८ अंकले घटेको छ । त्यस्तै होटल समूह ३१ दशमलव ३२ अंकले, जलविद्युत २५ दशमलव ६३ अंकले घटेका छन् ।
