प्रिमियर इन्स्योरेन्सको बोनस सेयर सुचिकृत

Citizen Life Insurance Co

इन्स्योरेन्स खबर/काठमाडौंः प्रिमियर इन्स्योरेन्स कम्पनीको बोनस सेयर नेपाल धितोपत्र बोर्डमा सुचिकृत भएको छ । कम्पनीको ६ लाख ९५ हजार ३ सय ९७ कित्ता सेयर बुधबार बोर्डमा सुचीकृत भएको हो ।

कम्पनीले सेयरधनीलाई चुक्ता पूँजीको १३ दशमलव ५२ प्रतिशतका दरले ६ करोड ९५ लाख रकम बराबरको बोनस सेयर वितरण गरेको हो । कम्पनीले एफपिओले समेत पाउनेगरि बोनस वितरण गरेको थियो ।

नेपाल धितोपत्र बोर्डमा  सुचीकृत भएको कम्पनीको बोनस नेपाल स्टक एक्सचेञ्जमा सुचीकृत हुन भने बाँकी छ ।

प्रिमियरले पुस १६ देखि १९ गतेसम्म प्रिमियम सहित ७९९ रुपैयाँमा ६ लाख ५९ हजार ५६५ कित्ता एफपीओ बिक्री गरेको थियो । एफपिओपछि जारीपश्चात ५१ करोड ४४ लाख ६० हजार रुपैयाँ चुक्ता पूँजी पुगेको कम्पनीको बोनस वितरणपश्चात ५८ करोड ४० लाख १५ हजार रुपैयाँ चुक्तापूँजी पुगेको छ ।

बीमासमितिले दिएको निर्देशन अनुसार कम्पनीले आगामी असार मसान्तसम्म चुक्तापूँजी १ अर्ब पुर्याउनु पर्ने छ । यसका लागि कम्पनीले करिब ४२ करोड रुपैयाँ पूँजी थप गर्नुपर्ने देखिन्छ ।

प्रतिक्रिया दिनुहोस्

सम्बन्धित समाचार