रैराङ हाइड्रोको आईपीओ वैशाख ३१ गतेदेखि निष्कासन हुने

Citizen Life Insurance Co

काठमाडौं, वैशाख २० । रैराङ हाइड्रोपावर डेभलपमेन्ट कम्पनीको साधारण सेयर वैशाख ३१ गतदेखि निष्कासन हुने भएको छ । कम्पनीले सर्वसाधारण र कर्मचारीका लागि ८ करोड ४० लाख रुपैयाँ बराबरको सेयर निष्कासन गर्ने भएको हो ।

यसअघि आयोजना प्रभावित पाँचथर र ताप्लेजुङका स्थानीयबासीका लागि ५ लाख ६० हजार कित्ता आइपीओ जारी गरेर बाँडफाँड समेत गरिसकेको कम्पनीले अहिले कर्मचारी र सर्वसाधारणका लागि सेयर जारी गर्ने भएको हो ।

कम्पनीले एक सय रुपैयाँ अंकित मूल्यमा कर्मचारी र सर्वसाधारणलाई ८ लाख ४० हजार कित्ता आइपीओ निष्कासन गर्ने लागेको हो । कम्पनीले ३३ हजार ६ सय कित्ता संस्थाका कर्मचारी र ४२ हजार कित्ता सामूहिक लगानीकोषका लागि सुरक्षित गरिएको जनाएको छ । आम सर्वसाधारणले ७ लाख ६४ हजार ४ सय कित्ता सेयरका लागि आवेदन गर्न पाउनेछन् ।

लगानीकर्ताले न्यूनतम ५० कित्ता अर्थात ५ हजार रुपैयाँदेखि अधिकतम ४ हजार २ सय कित्ता अर्थात चार लाख २० हजार रुपैयाँसम्मको आवेदन दिन पाउने बिक्री प्रबन्धक एनआइबिएल एस क्यापिटले जनाएको छ । आईपीओमा वैशाख ३१ गतेदेखि छिटोमा जेठ ३ गतेसम्म र ढिलोमा जेठ २९ गतेसम्म आवेदन दिन सकिनेछ ।

आईपीओमा एनआइबिएल एस क्यापिटल लाजिम्पाट, रैराङ हाइड्रो डेभलपमेन्ट प्रालि थापाथली तथा नेपाल धितोपत्र बोर्डबाट आस्बा अनुमति प्राप्त सबै बैंक तथा वित्तिय संस्थाबाट आवेदन दिन सक्नेछन् ।

प्रतिक्रिया दिनुहोस्

सम्बन्धित समाचार