परिसुचक वृद्धिसँगै कारोबारमा देखियो ५० % बढोत्तरी, माइक्रोफाइनान्समा लगानीकर्ताको विशेष आकर्षण

Citizen Life Insurance Co

काठमाडौं, वैशाख २० । साताको अन्तिम दिन सेयर बजार परिसुचक नेप्से सकारात्मक रहेर बन्द भएको छ । बुधबार दोहोरो अंकले बढेको बजार बिहीबार ५ दशमलव ७७ अंकले बढेर १ हजार ३ सय ६६ दशमलव १५ को बिन्दुमा पुगेर बजार बन्द भएको छ ।

यसदिन नेप्से परिसुचकसँगै कारोबार रकममा पनि बढोत्तरी देखिएको छ । बुधबार ३८ करोड रुपैयाँको सेयर किनबेच भएको बजारमा आज १६९ कम्पनीको ७६ करोड ८३ लाख ७२ हजार २९३ रुपैयाँको सेयर खरिदबिक्री भएको छ । जुन अघिल्लो दिनको तुलनामा ५० प्रतिशतले बढी हो ।

बीमा समूहमा ७५ अंकको वृद्धि

आज कारोबारमा आएका नौ समूहमध्ये होटल र अन्य बाहेकका सबै समूहमा वृद्धि देखिएको छ । जसमध्ये बीमा समूह ७५ दशमलव ६२ अंकले बढेको छ । त्यस्तै जलविद्युत समूह १७ दशमलव १ अंकले, लघुवित्त समूह १६ दशमलव ५५ अंकले, उत्पादन तथा प्रशोधन समूह १० दशमलव ६ अंकले, विकास बैंक समूह ३ दशमलव ४९ अंकले र बैंकिङ समूह ३ दशमलव ५५ अंकले बढेका छन् ।

 

लघुवित्त कम्पनीमा लगानीकर्ताको आकर्षण

साताको अन्तिम कारोबारका दिन अधिकांश लघुवित्त कम्पनीको सेयर भाउ बढेको छ । समग्र बजार ५ अंक अर्थात शुन्य दशमलव ४२ प्रतिशतले वृद्धि हुँदा सुर्योदय लघुवित्त वित्तीय संस्थाको सेयर मूल्य ९ दशमलव ५२ प्रतिशतले बढेको छ । त्यस्तै महिला सहयात्रा माइक्रोफाइनान्सको सेयर मुल्य ७ दशमलव ८९ प्रतिशतले बढेको छ । सबैभन्दा बढी सेयर मूल्य बढ्ने दश कम्पनीमध्ये सात लघुवित्त कम्पनी रहेका छन् । जसमा सर्योदय, महिला सहयात्रा साथै सिभिल लघुवित्त, समता माइक्रोफाइनान्स, ग्लोबल आईएमई लघुवित्त, स्वदेशी लघुवित्त र किसान माइक्रोफाइनान्स वित्तीय संस्था रहेका छन् ।

नेपाल बैंकको सर्वाधिक कारोबार, गुमाउनेमा मितेरीका लगानीकर्ता

बिहीबार नेपाल बैंकको सबैभन्दा बढी सेयर किनबेच भएको छ । पछिल्लो समय एफपीओ निष्कासन गर्ने खबरका कारण निकै चर्चा पाएको बैंकको आज ५ करोड ७३ लाख रुपैयाँ बराबरको सेयर कारोबार भएको छ । त्यस्तै राष्ट्रिय बीमा कम्पनी लिमिटेडको संस्थापक सेयर ४ करोडभन्दा बढीको कारोबार भएको छ । आज गुमाउनेमा भने मितेरी डेभलपमेन्टका लगानीकर्ता रहेका छन् । कम्पनीको सेयर मुल्य ५ दशमलव ११ प्रतिशतले घटेको छ ।

प्रतिक्रिया दिनुहोस्

सम्बन्धित समाचार