IME Life

विदेशीनेको संख्यामा कमी आएसँगै घट्यो ‘म्यादी बीमा’

SPIL
Sanima Reliance

काठमाडौं, वैशाख १९ । म्यादी बीमा गर्नेको संख्यामा पछिल्लो समयमा निकै कमी आएको छ । बीमा समितिले दिएको तथ्याङ्कलाई हेर्दा विगतका तुलनामा म्यादी बीमा गर्नेको संख्या कम देखिएको हो ।

चालु आर्थिक वर्षको पछिल्लो आठ महिनासम्म कुल १८ लाख २६ हजार ९८ जनाले वैदेशिक रोजगार (म्यादी) बीमा गरेको बीमा समितिले जनाएको छ । फागुन महिनामा मात्र ७३ हजार ८ सय ८ जनाले वैदेशिक रोजगार बीमा गरेको छन । तर अघिल्लो माघ महिनामा भने वैदेशिक रोजगारी बीमा गर्नेको संख्या केही बढि देखिन्छ । सो महिनामा कुल ८८ हजार ९ सय ९२ जनाले बीमा गरेका थिए । जुन अघिल्लो महिनाको तुलनामा फागुन मसान्तसम्ममा१५ हजार १ सय ८४ ले कमी हो ।
वैदेशिक रोजगारीमा जाँदा अनिवार्य गर्नुपर्ने बीमा वैदेशिक रोजगार बीमा अर्थात म्यादी बीमामा हो । पछिल्लो समय विदेशीनेको संख्यामा कमी आएसँगै बीमा गर्नेको संख्यामा पनि कमी आएको हो ।

Crest
Meta Holidays

मुलुक संघीय संरचनामा गइसकेपछि स्थानीय तहको सरकारहरुले रोजगारीको सृजना गर्ने अपेक्षामा युवाहरुको वैदेशिक मोह कम हुनाले पनि म्यादी बिमा घट्दोक्रममा रहेको श्रम विभागका एक उच्च अधिकारीले बताए । मुलुक संघीयतामा गइसकेको अवस्थामा आर्थिक गतिविधि बढ्ने तथा रोजगारी सृजनाका क्रियाकलापहरू स्थानीय तहमै पाईने अपेक्षाका कारण पछिल्लो समयमा वैदेशिक रोजगारीका लागि जानेको संख्या पनि कम हुँदै गएको उनले बताए ।

६ महिनाभित्र विदेश नगए स्वतः रद्द

२०६४ देखि नेपालमा वैदेशिक रोजगारीमा जाने कामदारले वैदेशिक रोजगार (म्यादी) जीवन बीमा गर्नुपर्ने व्यवस्था सुरु भएको हो । विदेशमा जाने कामदार असुरक्षित बन्दै गएपछि सरकारले जारी गरेको वैदेशिक रोजगार ऐन २०६४ को दफा २६ मा बीमा गर्नुपर्ने व्यवस्था छ ।

बीमा समितिले वैदेशिक रोजगारी ९म्यादी० जीवन बिमामा पछिल्लो पटक केही परिमार्जन गरेको छ । समितिले २०७५ वैशाख १ देखि लागू हुनेगरी बीमालेख खरिद गरेका कामदार ६ महिनासम्ममा पनि विदेश नगए बिमालेख स्वतः रद्द हुने व्यवस्था गरेको छ । वैदेशिक रोजगार म्यादी जीवन बिमा खरिद बिक्रीमा अनियमितता हुने सक्ने भन्दै समितिले बिमालेख परिमार्जन गरेको बीमा समितिले जनाएको छ । बिमालेख रद्द गर्दा कम्पनीले ५ सय रुपैयाँ कट्टा गरी बाँकी बिमाशुल्क फिर्ता दिनुपर्नेछ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS
x