काठमाडौं, वैशाख १७ । सन नेपाल लाइफ इन्स्योरेन्स कम्पनी लिमिटेडले आफ्नो सेवा विस्तार गर्ने क्रममा वीरगञ्जमा १८ औं शाखा स्थापना गरेको छ । आइतवार एक कार्यक्रमबीच कम्पनीका ब्राण्ड एम्बेस्डर सीताराम कट्टेल ‘धुर्मुस’ र कुञ्जना घिमिरे ‘सुन्तली’ले शाखाको उद्घाटन गर्नुभयो ।
शाखा उद्घाटनका अवसरमा कम्पनीका प्रमुख कार्यकारी अधिकृत राजकुमार अर्यालले कम्पनीले कम बिमाङ्क रकममा बिमितहरूको अधिकतम सुरक्षालाई व्यवसाय विस्तारको रणनीति बनाइएको बताउनुभयो । उहाँले अहिले बीमालेखका ५ प्रकारका पोलिसी ल्याइएकोमा निकट भविष्यमा थप ३ ओटा नयाँ पोलिसी ल्याउने तयारीमा रहेको जानकारी दिनुभयो ।
कम्पनीका महाप्रबन्धक कमलराज गौतमले गत असोजबाट व्यवसाय शुरु गरेको सो कम्पनीले नयाँ जीवन बीमा कम्पनीमध्ये सर्वाधिक नाफा आर्जन गरेको दाबी समेत गर्नुभयो । उहाँले पुस मसान्तसम्ममा ८ करोड १० लाख रुपैयाँ आय आर्जन गर्न सफल भएको जानकारी दिनु भयो ।
दुई अर्ब रुपैयाँ अधिकृत पूँजीमा खुलेको कम्पनीको हाल चुक्तापूँजी १ अर्ब ४० करोड र्पुयाइसकेको छ । बाँकी ६० करोड रुपैयाँको सर्वसाधारणका लागि शेयर जारी गरिने बताउनुभयो ।
कार्यक्रममा ब्राण्ड एम्बेस्डर कट्टेलले घिमिरेले भविष्यको सुरक्षा लागि बीमा अनिवार्य भएको उल्लेख गर्दै कम्पनीको व्यावसायिक सफलताको शुभकामना दिनुभएको थियो ।
