काठमाडौं । धरै आकर्षक तथा सुरक्षित जागिर मानिने नेपाल राष्ट्र बैंकले केही समय अगाडी खुलाएको १५१ जनाको लागि विज्ञापनको परिक्षा मिती तोकेको सूचना जारी गरेको छ ।
राष्ट्र बैंकको विभिन्न तहमा गरि १ सय ५१ जनाको विज्ञापन खुलाएकोमा ५६ हजार ५ सय ६१ जनाको आवेदन परेको थियो। सहायक तहमा सबैभन्दा धेरै ४३ हजार ६ सय ६६ जनाले आवेदन दिएका थिए भने अधिकृत तृतिय तर्फ ४ हजार ३२ जनाले आवेदन दिएका छन् । त्यसैगरी अफिसरमा १ हजार १ सय ४४ जनाको आवेदन परेको छ ।
तिन तहको पदपुर्ति गर्नका लागि बैंकले असार ९ गतेदेखि परिक्षा सञ्चालन गर्ने भएको छ । ४५ जना माग गरेको सहायक निर्देशक अधिकृत तृतियको प्रथम पत्रको परिक्षा असार ९ गते सनिबार बिहान ११ बजेदेखि सुरु हुनेछ भने भने द्धितिय पत्र साउन १७, तृतिय पत्र साउन १८ र चतुर्थ पत्रको लागि साउन १९ गते तोकेको छ । द्धितिय र तृतिया पत्रको परिक्षा ४ घण्टासम्म हुने बैंकले जनाएको छ ।
त्यस्तै ९६ जना माग रहेको सहायक प्रशासन तर्फको परिक्षा असार २३ सनिबार बाट सुरु हुनेछ । द्धितिय पत्र भदौ ८ गते हुनेछ भने तृतिय पत्र भदौ ९ गते हुनेछ ।
यसैगरी १० जना माग गरिएको सहायक प्रविधिक तर्फको परिक्षा असार २२ गते हुने भएको छ । परिक्षा सञ्चालन लोकसेवा आयोग ले गर्ने जनाईएको छ ।
