सुधारिएन बजार, परिसुचकसँगै कारोबार पनि घट्यो

Citizen Life Insurance Co

काठमाडौं, वैशाख १२ । बुधबार पनि सेयर बजार परिसुचक नेप्से घटेको छ । साताको पहिलो दिन उच्च अंकले बढेको नेप्से त्यसयता लगातार ओरालो लागेको छ । आज बजार ८ दशमलव ३९ अंकले घटेर १ हजार ३ सय ८६ दशमलव ४७ को बिन्दुमा पुगेको छ ।

परिसुुचकसँगै मंगलबार कारोबार रकम पनि घटेको छ । यसदिन बजारमा १६० कम्पनीहरुका ५६ करोड १४ लाख ६० हजार ७० रुपैयाँ सेयर खरिदबिक्री भएका छन् । मंगलबार बजारमा ७३ करोड ९२ लाख रुपैयाँ बराबरको कारोबार भएको थियो ।

५७ अंकले घट्यो बीमा समूह

बुधबार समग्र बजार ८ अंकले घट्दा बीमा समूह ५७ दशमलव २७ अंकले घटेको छ । त्यस्तै बैंकिङ समूह ५ दशमलव ९ अंकले, होटल समूह २८ दशमलव ७६ अंकले, विकास बैंक समूह १६ दशमलव ६५ अंकले, जलविद्युत समूह २३ दशमलव ०९ अंकले, फाइनान्स समूह ५ दशमलव ०३ अंकले, उत्पादन तथा प्रशोधन समूह ११ दशमलव १७ अंकले, र लघुवित्त समूह १८ दशमलव ३२ अंकले घटे्का छन् । त्यस्तै आज अन्य समूह भने शुन्य दशमलव ७२ अंकले बढेको छ ।

नेपाल ग्रामीणको सर्बाधिक कारोबार

यसदिन सबैभन्दा बढी नेपाल ग्रामीणको सेयर किनबेच भएको छ । कम्पनीको ४ करोड २४ लाखभन्दा बढी रुपैयाँको सेयर कारोबार भएको हो । त्यस्तै ग्लोबल आईएमई बैंकको २ करोडभन्दा बढीको सेयर किनबेच भएको छ ।
त्यसैगरी आजको कारोबारमा सर्वाधिक कमाउनेमा भने स्वदेशी लघुवित्त वित्तीय संस्थाका लगानीकर्ता रहेका छन् । कम्पनीको सेयर मूल्य ६ दशमलव ०४ अर्थात प्रतिकित्ता ७९ रुपैयाँ बढेको छ । त्यस्तै पोखरा फाइनान्सको ३ दशमलव ६४ प्रतिशतले सेयर भाउ बढेको छ । त्यस्तै रिलायन्स फाइनान्सको सेयर मूल्य सबैभन्दा बढी ६ प्रतिशतले ओरालो लागेको छ ।

प्रतिक्रिया दिनुहोस्

सम्बन्धित समाचार