अब सरकारी भुक्तानी विद्युतीय प्रणालीबाट

Citizen Life Insurance Co

काठमाडौं, वैशाख १२ । सरकारबाट गरिने भुक्तानी र राजश्व संकलनका लागि विद्युतीय प्रणाली (ई–पेमेन्ट) बाट गर्ने व्यवस्था लागू हुने भएको छ । बुधबार अर्थमन्त्री युवराज खतिवडाले उक्त व्यवस्थाको औपचारिक शुरु गरेका छन् ।

विद्युतीय बिल भुक्तानी प्रणाली (ई–पेमेन्ट) सिस्टम कार्यान्वयनमा आएसँगै सेवाग्राहीहरु सरकारी भुक्तानीका लागि सरकारी कार्यालय पुग्नुपर्ने अवस्थाको अन्त्य हुनेछ । सेवाग्राहीले घरबाटै सबै किसिमका कर तिर्न सक्नेछन् । यो व्यवस्था लागू भएपछि करदाताले आफ्नो कम्प्युटर, ल्यापटप र मोबाइलबाट सिधै सरकारलाई राजस्व भुक्तानी गर्न सक्ने छन् ।

मूल्य अभिवृद्धि कर, आयकर र अन्तःशुल्कजस्ता मुख्य करहरु विद्युतीय प्रणालीमार्फत भुक्तानी हुने अर्थमन्त्रालयले जनाएको छ ।
अर्थमन्त्रीमा नियुक्त भएकै दिन खतिवडाले विद्युतीय प्रणालीमार्फत भुक्तानी गर्ने निर्णय गरेका थिए । उनको सो निर्णय अब भने व्यवहारिक रुपमा नै लागू हुने भएको हो ।

बुधबारबाट औपचारिक रुपमा सुरुवात गरिएको यो व्यवस्था आउँदो साउनदेखि यो प्रणाली पुर्ण रुपमा लागु हुने अर्थ मन्त्रालयले जनाएको छ ।

प्रतिक्रिया दिनुहोस्

सम्बन्धित समाचार