काठमाडौं, वैशाख १२ । नेपाल सेवा लघुवित्त वित्तीय संस्था लिमिटेडको साधारण सेयर (आईपीओ) बिक्री खुल्ला भएको छ । कम्पनीले एक सय रुपैयाँ अंकित मूल्यमा एक करोड ८० लाख रुपैयाँ बराबरको एक लाख ८० हजार कित्ता सेयर निष्कासन गरेको छ ।
एक लाख ८० हजार कित्तामध्ये २ प्रतिशत अर्थात ३ हजार ६ सय कित्ता सेयर संस्थाका कर्मचारीका लागि र ५ प्रतिशत अर्थात ९ हजार कित्ता सेयर सामूहिक लगानीकोषहरुका लागि छुट्याइएको कम्पनीले जनाएको छ । त्यस्तै सर्वसाधारणले १ लाख ६७ हजार ४ सय कित्ता सेयरका लागि आवेदन गर्न पाउनेछन् ।
कम्पनीले जारी पूँजीको ३० प्रतिशत आइपिओ सर्वसाधारणका लागि बिक्री खुला गरेको हो । कम्पनीको सेयरमा इच्छुक आवेदकले न्यूनतम ५० तथा अधिकतम ९०० कित्तासम्म वैशाख १६ गतेसम्म आवेदन दिन सक्ने सक्नेछन् ।
कम्पनीको साधारण सेयर निष्कासन तथा बिक्री प्रबन्धकमा एनएमबी क्यापिटल रहेको छ । लगानीकर्ताले आस्बा सदस्य सबै बैंक तथा वित्तीय संस्थाबाट कम्पनीको सेयरमा आवेदन दिन सक्नेछन् ।
