एभरेष्ट इन्स्योरेन्सको साधारणसभा आज, पारित होला बोनस र हकप्रद प्रस्ताव !

Citizen Life Insurance Co

काठमाडौं, वैशाख १० । एभरेष्ट इन्स्योरेन्स कम्पनीको २३ औँ वार्षीक साधारणसभा आज (वैशाख १० गते) बस्दैछ । अग्रवाल भवन कमलपोखरीमा दिउँसो २ बजे बस्ने सभाले १० प्रतिशत बोनस पारित गर्नेछ ।

एभरेष्ट इन्स्योरेन्सले १ करोड २१ लाख ५० हजार रुपैयाँको बोनस तथा बोनस प्रयोजनका लागि ६ लाख ३९ हजार ४ सय ७४ रुपैयाँ नगद लाभांश वितरण गर्ने प्रस्ताव सभामा लैजाँदैछ ।

सभाले २२ औं साधारण सभाबाट पारित भएको ६ सय प्रतिशत हकप्रद प्रस्तावलाई परिमार्जन गरी बीमा समितिको निर्देशन बमोजिम कम्पनीको सेयर संरचनामा न्युनतम ५१ प्रतिशत संस्थापक सेयरधनी कायम गर्ने छ ।

उक्त बोनस सेयर पश्चात हुन आउने कुल चूक्ता पूँजीमा सेयरधनीलाई १ सय ५ प्रतिशत संस्थापक हकप्रद सेयर जारी गर्ने भएको छ । सो संस्थापक हकप्रद पश्चात कायम सेयरधनीलाई थप ३ सय प्रतिशत हकप्रद जारी गर्ने प्रस्ताव पेस गर्ने भएकोछ ।

साथै, सभाले सञ्चालक समिति तथा अन्य समिति उपसमितिको बैंठक भत्तामा बृद्धि गर्ने, र कम्पनीको नियमावलीमा आवश्यक संसोधनको अधिकार सञ्चालक समितिलाई प्रदान गर्ने लगायतका विशेष प्रस्ताव साधारण सभामा गरिने भएको छ ।

प्रतिक्रिया दिनुहोस्

सम्बन्धित समाचार