काठमाडौं, बैशाख ४ । नेपाल इन्स्योरेन्स कम्पनी लिमिटेडको १०० प्रतिशत हकप्रद भोलि (वैशाख ५) देखि बिक्री खुला हुने भएको छ ।कम्पनीले १ बराबर १ को अनुपातमा ३० लाख १९ हजार ८८६.१० कित्ता हकप्रद शेयर निष्कासन गर्न लागेको हो ।
कम्पनीको हकप्रदमा चैत्र २२ गतेसम्म कायम सेयरधनीहरुले वैशाख ५ गतेदेखि जेठ ८ गतेसम्म आवेदन दिन पाउनेछन् ।
लगानीकर्ताले बिक्री प्रबन्धक एनआइबीएल एस क्यापिटल लाजिम्पाटसहित लाल दरबार काठमाडौं, लगनखेल ललितपुर तथा चिप्लेढुंगा पोखरा शाखाबाट पनि आवेदन दिन सक्नेछन् । त्यसैगरी नेपाल इन्स्योरेन्सको सम्पूर्ण शाखा कार्यालय र आस्वा प्रणालीमा सहभागि बैंक तथा वित्तीय संस्था र तिनका शाखा कार्यालयबाट आवेदन दिन सकिने छ ।
हाल कम्पनीको चुक्तापूँजी ३० करोड १९ लाख ८८ हजार रुपैयाँ रहेको छ । हकप्रद निष्कासनपश्चात कम्पनीको चुक्ता पूँजी ६० करोड ३९ लाख ७७ हजार २२० कित्ता पुग्नेछ । कम्पनीले शतप्रतिशत हकप्रदले समेत पाउने गरि २ दशमलव २६२ प्रतिशत बोनस प्रस्ताव समेत गरेको छ । बोनसपछि कम्पनीको पूँजी ६१ करोड ७६ लाख ३८ हजार ७०५ रुपैयाँ पुग्नेछ ।
