करिब ६ लाख जनाले गरे स्वास्थ्य बिमा, स्वास्थ्य बिमा गर्ने महिला भन्दा पुरुषको संख्या कम

Citizen Life Insurance Co

काठमाडौं, चैत्र ०२। नेपाल सरकारद्वारा सञ्चालित स्वास्थ्य बीमा कार्यक्रममा हालसम्म ५ लाख ८८ हजार ८ सय ९४जनाले बिमा गरेका छन ।सामाजिक स्वास्थ्य सुरक्षा विकास समितिले तयार पारेको फागुन ३० सम्मको तथ्याङ्क अनुसार बिमा गर्नेको संख्यामा वृद्धि भएको देखिन्छ ।

स्वास्थय विमा गर्नेमा महिलाको तुलनामा पुरुषको संख्या कम रहेको विमा समितिले जनाएको छ । बिमा गराएका कुल संख्यामध्ये ३ लाख १० हजार ४ सय २९ जना महिला र २ लाख ७७ हजार ९ सय २० जना पुरुष रहेका छन । तथ्याङ्कअनुसार स्वास्थ्य बीमा गर्नेमा पुरुषको तुलनामा महिलाको संख्या ५ दशमलव ५३ प्रतिशतले बढी रहेको बिमा समितिले जनाएको छ ।

समितिका अनुसार सेवा विस्तार भएको बैतडी जिल्लाबाहेक अन्य जिल्लामा महिलाको आकर्षण बढी भएको समितिले बताएको छ । समितिका अनुसार सेवा विस्तार नभएका जिल्लाका नागरिकले पनि स्वास्थ्य बीमा गरेकाले उनीहरूको गणना लैङ्गिक आधारमा नभई बीमित सङ्ख्यामा मात्र गरिएको छ ।

सरकारले देशव्यापी रूपमा विस्तार गर्ने लक्ष्य लिएको यो कार्यक्रम हालसम्म ३१ जिल्लामा विस्तार भएको छ । तथ्याङ्कमा २४ जिल्लाको पूर्ण विवरण समावेश गरिएको छ । यसका साथै अर्घाखाँची, पश्चिम रुकुम, प्यूठान, महोत्तरीसहित पाँच जिल्लामा १ हप्ता अगाडि यो कार्यक्रम सुचारू गरिएको समितिले जानकारी दिएको छ ।

बीमा कार्यक्रममा सहभागी हुन पाँच जनाको परिवारले वार्षिक रू.२ हजार ५ सय तिर्नुपर्ने हुन्छ । यसमा प्रतिव्यक्ति १ सय वार्षिक बीमाशुल्क तिरेर ५० हजार रुपैयाँसम्मको निःशुल्क स्वास्थ्य उपचार सेवा लिन पाइन्छ ।

यदि पाँच जनाभन्दा बढीको परिवारले प्रतिसदस्य ४ सय ५० का दरले थप बीमाशुल्क तिर्नुपर्ने हुन्छ भने सरकारबाट गरीबी परिचयपत्र प्राप्त व्यक्तिमध्ये अति गरीबलाई शतप्रतिशत, गरीबलाई ७५ प्रतिशत र सीमान्तकृत गरीबलाई ५० प्रतिशतसम्म छूटको व्यवस्था गरिएको समितिले जानकारी गराएको छ ।

प्रतिक्रिया दिनुहोस्

सम्बन्धित समाचार