काठमाडौं फाल्गुन २१ । एशियन लाईफ इन्स्योरेन्स कम्पनीले इलाम र बागलुङ्गको उपशाखालाई शाखामा स्तरोन्नती गरेको छ । कम्पनीले इलामकाे उपशाखालाई स्तरोन्नती गरी यस कम्पनीको २७ औं शाखाको रुपमा आइतबार(आज)देखि संचालनमा ल्याएको छ । उक्त शाखाको उद्घाटन कम्पनीका प्रमुख कार्यकारी अधिकृत राजेशकुमार श्रेष्ठले गरेका थिए ।
त्यसैगरी, बागलुङ्गमा अवस्थित उपशाखालाई स्तरोन्नती गरी यस कम्पनीको २८औं शाखाको रुपमा संचालनमा ल्याएको छ ।
कम्पनीले २८ वटा शाखा र ६७ वटा उपशाखाहरु गरी जम्मा ९५ वटा शाखा तथा उपशाखा मार्फत सेवाग्राहीहरुलाई बीमा सेवा प्रदान गर्दै आईरहेको छ । निकट भविष्यमा प्रभावकारी ग्राहक सेवाको लागि सम्भाब्यताको आधारमा थप शाखा तथा उपशाखा कार्यालयहरु खोल्दै लैजाने यस कम्पनीको लक्ष्य रहेको छ । नया इन्स्योरेन्स कम्पनीहरुले शाखा विस्तारमा तिब्रता दिन थालेपछि पुराना बिमा कम्पनीहरुले पनि आफुलाई बजारमा टिकाई राख्न शाखा विस्तारमा ध्यान केन्द्रित गरेका छन् ।
फाल्गुन १६, एशियन लाईफ इन्स्योरेन्स कम्पनीको जुम्ला उप-शाखा शाखामा स्तरोन्नती भएको थियो ।
