निर्जिवन बीमा कम्पनी नेशनल इन्स्योरेन्स ५३ करोड भन्दा बढी घाटामा

Citizen Life Insurance Co

काठमाडौँ फाल्गुन १८ । सेयर बजारमा सूचीकृत नरहेको निर्जिवन बीमा कम्पनी नेशनल इन्स्योरेन्सले चालू आर्थिक बर्षको दोस्रो त्रैमास सम्ममा ५३ करोड ५८ लाख रुपैयाँ नोक्सानी व्यहोरेको वित्तीय विवरण सार्वजनिक गरेको छ ।निर्जिवन बीमा कम्पनी नेशनल इन्स्योरेन्स कम्पनी लिमिटेड भारतको नेशनल इन्स्योरेन्स कम्पनीको शाखाको रुपमा नेपालमा निर्जिवन बीमा ब्यबसाय संचालन गर्दै आएको छ ।

पुस मसान्तसम्ममा महिनाको अवधिमा एक अर्ब ६० करोड २५ लाख रुपैयाँ कुल आय गरेको बीमा कम्पनीले खर्च दुई अर्ब १३ करोड ४८ लाख पुगेपश्चात कम्पनी नोक्सनीमा पुगेको हो । बीमा कोषमा ८३ करोड २३ लाख सञ्चित राखेको कम्पनीको जगेडा कोष एक अर्ब नौं करोड १४ लाख रुपैयाँ ऋणात्मक रहेको छ ।

यस अवधिमा कम्पनीले ४४ करोड १९ लाख रुपैयाँ खुद बीमा शुल्क आर्जन गरेको छ भने ५० करोड २१ लाख रुपैयाँ खुद दाबी भुक्तानी गरेको छ । अब कम्पनीले एक हजार ४८७ संख्यामा परेको एक अर्ब १८ करोड ५५ लाख रुपैयाँ बराबरको दाबी भुक्तानी हुन बाँकी रहेको देखिन्छ ।

कुल बीमा लेख खंख्या १५ हजार ४९६ रहेको कम्पनीको नविकरण गरिएको बीमालेखको संख्या ९ हजार ६०३ रहेको छ ।

प्रतिक्रिया दिनुहोस्

सम्बन्धित समाचार