काठमाडौँ फाल्गुन १४, नेपालमा संचालनमा रहेका जीवन बीमा कम्पनीहरुमध्ये सबैभन्दा सबल देखिदै आएको नेपाल लाइफ इन्स्योरेन्सले आफ्ना लगानीकतालार्ई अर्थिक बर्ष २०७३/७४ को लाभांस वितरणको प्रस्ताब गरेको छ, कम्पनीले गत बर्षको मुनाफा तथा जगेडा कोषबाट समेत गरि ७०.५३ प्रतिशत लाभांस वितरण गर्ने घोषणा गरेको छ । कम्पनीले ४२ प्रतिशत बोनस तथा २८.५३ प्रतिशत नगद लाभांस घोषणा रहेको छ ।
कम्पनीले प्रस्ताव गरेको लाभांस बीमा समितिको स्वीकृति पश्चात कम्पनीको आगामी साधारणसभाले पारित गरेपछि शेयरधनीलाई वितरण गरिनेछ ।
कम्पनीको चुक्ता पूँजी तीन अर्ब ९ करोड रुपैयाँ छ । बोनसपछि कम्पनीको पूँजी चार अर्ब ३९ करोड नाघ्नेछ । बीमा समितिले तोकेको भन्दा बढी चुक्तापूँजी पु्र्याएको कम्पनीको जगेडाकोष, वीमाकोष तथा महाविपत्तीकोष समेत मजबुत बन्दै गएको छ । हाल तीन अर्ब ९ करोड चुक्तापूँजी रहेको कम्पनीको जगेडा कोषमा ५ अर्ब २ करोड रुपैयाँ छ । कम्पनीले जीवन विमा कोषमा ४५ अर्ब ६३ करोड तथा महाविपत्तीकोषमा ३२ करोड ५३ लाख जम्मा गरेको छ ।
कम्पनीले हालसम्म ५९ अर्ब ६० करोड कुल बीमा शुल्क आर्जन गरेको छ भने चालु आर्थिक बर्षको दोस्रो त्रैमासमा मात्रै ७ अर्ब २२ करोड कुल बीमा शुल्क आर्जन गरेको छ । कम्पनीको जीवन बीमा लेखको संख्या १० लाख ८० हजार पुगेको छ । उसले यसअवधिमा २ अर्ब ३५ करोड दावी भुक्तानी गरेको छ ।
नेपाल लाईफको प्रति सेयर आम्दानी १८.०६ रुपैयाँ, प्रतिसेयर नेटवर्थ २७२.९३ रुपैयाँ र प्रतिसेयर कुल सम्पतिको मूल्य १७४७ रुपैयाँ छ ।
