राष्ट्र बैंकमा खूल्यो जागिर खाने अवसर अनलार्इन बाटै गर्न सकिन्छ अावेदन

Citizen Life Insurance Co

काठमाडौँ फाल्गुन ११ । नेपालमा जागिर मध्ये एकदमै आर्कषक जागिर मानिने नेपाल राष्ट्र बैंकमा ठूलो संख्यामा कर्मचारीकाे अभाव भएकाे छ । सो अभाव पूर्ति गर्न केन्द्रीय बैंकले विभिन्न पदमा गरि एकैपटक कूल एक सय ५१ जना जनशक्ति माग गरेको छ । यसै पनि अन्य स्थानमा भन्दा यस स्थानमा पाइने सेवा सुविधा र वैदेशिक भ्रमणकाे अवसरले नलाेभिने कमै हुने गर्दछन् । राष्ट्र बैंकको कर्मचारी ऋण सुबिधा, भत्ता तथा अन्य अवसरले गर्दा राष्ट्र बैंकको जागिर नेपालमा अन्य जागिरको तुलनामा आर्कषक जागिर मानिन्छ ।

राष्ट्र बैंकको जनशक्ति व्यबस्थापन विभागले बिहीवार एक सूचना प्रकाशित गरी सहायक निर्देशक पदमा अधिकृत तृतीय श्रेणीतर्फ प्रशासन सेवामा ४५ जना, सहायक पदमा सहायक द्वितीय श्रेणीतर्फ प्रशासन सेवामा ९६ जना र सहायक पदमा नै सूचना प्रविधि श्रेणीतर्फ प्राविधिक सेवामा १० जनागरी कूल एक सय ५१ जनाको लागि दरखास्त आह्वान गरेको हो ।

अावेदन गर्न बैंककाे वेभसाइट www.nrb.org.np मा गएर Career @ NRB भित्र गर्इ त्यहाँ राखिएकाे निर्देशन अनुसार भर्न सकिने राष्ट्र बैंकले जनाएकाे छ । अनलाइन दरखास्त फाराम फागुन ११ गतेदेखि चैत्र १ गतेसम्म अनलार्इन अावेदन बुझाउन सकिने राष्ट्र बैंकले जनाएको छ । दोब्बर दस्तुर तिरेर चैत्र ८ गतेसम्म बुझाउन सकिने केन्द्रीय बैंकले जनाएको छ । अनलार्इन अावेदन गर्न सक्ने सुबिधा सहित राष्ट्र बैंकले जनशक्ति माग गरेको यो पहिलो पटक हो !

सहायक निर्देशक पदका लागि अर्थशास्त्र, वा व्यवस्थापन वा बाणिज्यशास्त्र, वा जनप्रशासन विषयमा स्नातकोत्तर सरह परिक्षा उतिर्ण गरेको हुनुपर्नेछ । सहायक प्रशासन पदका लागि दश जोड दुई वा सो सरहको परिक्षा उत्तिर्ण हुनुपर्ने मापदण्ड छ ।

सहायक सूचना प्राविधि पदका लागि कम्युटर इलेक्ट्रोनिक्स् हार्डवेयर इन्जिनियरिङ्ग विषयमा तीन बर्षे डिप्लोमा उत्तिर्ण गरेको हुनुपर्ने मापदण्ड तोकिएको छ ।

प्रतिक्रिया दिनुहोस्

सम्बन्धित समाचार