भैरहवा, १३ कार्तिक । रुपन्देहीको सिद्धार्थनगर नगरपालिका वडा नं. ८, भैरहवामा युनियन लाइफ इन्स्योरेन्स कम्पनी लिमिटेडको रजिष्टर्ड कार्यालयको शुभारम्भ गरिएको छ । कार्यालयको एक कार्यक्रमका बीच कम्पनीका अध्यक्ष सुलभ अग्रवाल, डाइरेक्टरद्धय शेखर गोल्छा र सन्दीप कुमार अग्रवालले संयुक्त रुपमा उदघाटन गरेका हुन ।
शुभारम्भ कार्यक्रममा कम्पनीका प्रमुख कार्यकारी अधिकृत मनोज कुमार लाल कर्णको पनि उपस्थिीति रहेको थियो । शुभारम्भकै दिन करिब २० लाख प्रिमियम संकलन गरिएको कम्पनीले जनाएको छ ।
कार्यालय शुभारम्भ पश्चात कम्पनीले नयाँ अभिकर्ताहरुको लागि तालिमको समेत आयोजना गरेको थियो । गत असार २० गते जीवन बीमा कारोबार गर्न इजाजत पाइ असोज ४ गते देखि नियमित कारोबार सुरु गरेको कम्पनीले भैरहवामा अभिकर्ताहरुको लागि तालिमको आयोजना गरेको कम्पनी रजिष्टर्ड कार्यालय भैरहवाका प्रमुख धिरज कुमार मल्लिकले बताए । तालिममा सहभागीहरुलाई बीमा अभिकर्ताले पालना गर्नुपर्ने कुराहरु, बीमा अभिकर्ताले गर्न नहुने कुराहरु, जीवन बीमा सम्बन्धि आधारभुत कुराहरु लगायतको बारेमा प्रशिक्षण दिइएको मल्लिकले जानकारी दिए ।
कम्पनीको अधिकृत पूँजी रु.२ अर्ब १५ करोड रहेको युनियन लाइफ इन्स्योरेन्स कम्पनीका मार्केटिङ प्रमुख कोषराज सुवेदीले जानकारी दिए । यो वर्ष मात्र देशव्यापी रूपमा ४० ओटा शाखा खोल्ने सुवेदीले जानकारी दिए । “बीमा समितिबाट प्राय : शाखा खोल्न अनुमति समेत पाइसकेका छौं र अब धमाधम शाखा विस्तार गर्नेछौं, उनले भने ।”
