काठमाडौं । नेप्सेमा सूचिकृत लघुवित्त वित्तीय संस्थाहरुमध्ये हालसम्म १३ वटा संस्थाले लाभांश घोषणा गरेका छन् । हालसम्म मिथिला लघुवित्त, जीवन विकास लघुवित्त, साना किसान विकास लघुवित्त, छिमेक लघुवित्त, सूर्योदय वोमी लघुवित्त, फस्र्ट माइक्रोफाइनान्स, नेसनल लघुवित्त, सपोर्ट लघुवित्त ,आरएसडीसी लघुवित्त, फरवार्ड माइक्रोफाइनान्स, स्वाबलम्बन लघुवित्त वित्तीय संस्था, आशा लघुवित्त वित्तीय संस्था र गुराँस लघुवित्त वित्तीय संस्थाले आफ्ना शेयरधनीलाई दिने लाभांश घोषणा गरेका हुन् ।
फरवार्ड माइक्रोफाइनान्सले गत वर्षको नाफाबाट आफ्ना शेयरधनीलाई कुल १४ प्रतिशत लाभांश वितरण गर्ने निर्णय गरेको छ । जसमध्ये १३ दशलमव ३ प्रतिशत बोनश शेयर वितरण गर्ने भएको छ भने ० दशलमव ७ प्रतिशत नगद लाभांश वितरण गर्नेछ । कम्पनीले साधारण सभा तथा लाभांश प्रयोजनका लागि मंसिर १४ गते बुक क्लोज गरेको थियो । यसको अर्थ मंसिर १३ गतेसम्म कायम शेयरधनीहरु यो लघुवित्त लाभांश पाउन र सभामा भाग लिन योग्य हुनेछन् ।
स्वाबलम्वन लघुवित्त वित्तीय संस्थाले गत वर्षको नाफाबाट आफ्ना शेयरधनीलाई कुल १५ प्रतिशत लाभांश वितरण गर्ने भएको छ । जसमा १४ दशलमव २५ प्रतिशत बोनश शेयर दिने भएको छ भने ० दशलमव ७५ प्रतिशत कर प्रयोजनका लागि वितरण गर्नेछ । संस्थाले लाभांश र वार्षिक साधारणसभा प्रयोजनार्थ संस्थाले कात्तिक ९ गते बुक क्लोज गरिसकेको छ । यसको अर्थ कात्तिक ८ गतेसम्म कायम शेयरधनीहरुमात्रै यो लघुवित्तको लाभांश पाउन र सभामा भाग लिन योग्य हुनेछन् ।
आशा लघुवित्त वित्तीय संस्थाले कुल १५ प्रतिशत लाभांश वितरण गर्ने भएको छ । जसमध्ये १४ दशलमव २५ प्रतिशत बोनश शेयर वितरण गर्नेछ भने ० दशलमव ७५ प्रतिशत कर प्रयोजनका लागि नगद लाभांश वितरण गर्ने भएको छ । लाभांश र वार्षिक साधारणसभा प्रयोजनार्थ संस्थाले कात्तिक २५ गते एक दिन बुक क्लोज गरिसकेको छ । यसको अर्थ कात्तिक २५ गतेभन्दा अघिसम्म कायम शेयरधनीहरु मात्रै यो संस्थाको लाभांश पाउन र सभामा भाग लिन योग्य हुनेछन् ।
गुराँस लघुवित्त वित्तीय संस्थाले गत वर्षको नाफाबाट कुल १५ प्रतिशत लाभाश दिने भएको छ । जसमध्ये १५ दशलमव २५ प्रतिशत बोनश शेयर वितरण गर्नेछ भने ० दशलमव ७५ प्रतिशत कर प्रयोजनका लागि नगद लाभांश दिने भएको छ । कम्पनीले साधारण सभा तथा लाभांश प्रयोजनका लागि बुक क्लोज गरिसकेको छ ।
यता सपोर्ट लघुवित्त वित्तीय संस्थाले आर्थिक वर्ष २०८०।८१ का लागि शेयरधनीहरुलाई चुक्तापुँजी १० करोड ७६ लाख १८ हजार ९४० रुपैयाँको कुल १४।५ प्रतिशतले हुन आउने १ करोड ५६ लाख ४ हजार ७४६.३१ रुपैयाँबराबरको लाभांश वितरण गर्ने निर्णय गरेको छ। जसमा १३.७७५ प्रतिशतले हुन आउने १ करोड ४८ लाख २४ हजार ५०८।९९ रुपैयाँबराबरको बोनस शेयर र कर प्रयोजनार्थ ०।७२५ प्रतिशतले हुन आउने ७ लाख ८० हजार २३७.३२ रुपैयाँबराबरको नगद लाभांश छन् । संस्थाले बुक क्लोज गरिसकेको छ ।
त्यस्तै, आरएसडीसी लघुवित्त वित्तीय संस्थाले आर्थिक वर्ष २०८०।८१ का लागि हाल कायम चुक्तापुँजी ९४ करोड ४३ लाख ५१ हजार ६५ रुपैयाँको कुल १० प्रतिशतले हुन आउने ९ करोड ४४ लाख ३५ हजार १०७ रुपैयाँबराबरको लाभांश वितरण गर्ने निर्णय गरेको हो। जसमा ९.५ प्रतिशत बोनस शेयर र कर प्रयोजनार्थ ०.५ प्रतिशत नगद लाभांश छन् । संस्थाले बुक क्लोज मिति तय गरेको छैन् ।
नेसनल लघुवित्तले आर्थिक वर्ष २०८०।८१ को मुनाफाबाट शेयरधनीहरुलाई हाल कायम चुक्तापुँजी १ अर्ब १६ करोड ५५ लाख २१ हजार ६८५.९९ रुपैयाँको कुल १५ प्रतिशत लाभांश वितरण गर्ने निर्णय गरेको हो। जसमा १४.२५ प्रतिशतले हुन आउने १६ करोड ६० लाख ८६ हजार ८४०।२५ रुपैयाँबराबरको बोनस शेयर र कर प्रयोजनार्थ ०.७५ प्रतिशतले हुन आउने ८७ लाख ४१ हजार ४१२।६४ रुपैयाँबराबरको नगद लाभांश छन् । संस्थाले साधारणसभा तथा लाभांश वितरण प्रयोजनका लागि मंसिर १८ देखि २४ गतेसम्म बुक क्लोज गर्ने जनाएको छ । त्यसकारण मंसिर १७ गतेसम्म नेप्सेमा कारोबार भई कायम शेयरधनी सभामा भाग लिन र लाभांश प्राप्त गर्न सक्नेछन् ।
फर्स्ट माइक्रोफाइनान्स लघुवित्त वित्तीय संस्थाले आर्थिक वर्ष २०८०।८१ का लागि वितरणयोग्य मुनाफाबाट हाल कायम चुक्तापुँजी १ अर्ब २३ करोड ३८ लाख २६ हजार ९०२ रुपैयाँको कुल ९.४७ प्रतिशतले हुन आउने ११ करोड ६८ लाख ८८ हजार ८६२ रुपैयाँबराबरको लाभांश वितरण गर्ने निर्णय गरेको छ । साधारण सभा तथा लाभांश वितरण प्रयोजनार्थ लघुवित्तले मंसिर २३ गते एक दिनका लागि बुकक्लोज गर्ने भएको छ।
सूर्योदय वोमी लघुवित्त वित्तीय संस्थाले आर्थिक वर्ष २०८०।८१ का लागि गत वर्षको मुनाफाबाट हाल कायम चुक्तापुँजी १ अर्ब ४ करोड ३६ लाख ६६ हजार ३१६.७२ रुपैयाँको कुल ७ प्रतिशतले हुन आउने ७ करोड ३० लाख ५६ हजार ६४२.१७ रुपैयाँबराबरको लाभांश प्रस्ताव गरेको हो। प्रस्तावित लाभांशमा ६ प्रतिशतले हुन आउने ६ करोड २६ लाख १९ हजार ९७९ रुपैयाँबराबरको बोनस शेयर र १ प्रतिशतले हुन आउने १ करोड ४ लाख ३६ हजार ६६३.१७ रुपैयाँबराबरको नगद लाभांश (करसहित) रहेको छ । संस्थाले बुक क्लोज गरेको छैन् ।
त्यसैगरी जीवन विकास लघुवित्त वित्तीय संस्थाले आर्थिक वर्ष २०८०।८१ का लागि वितरणयोग्य मुनाफाबाट शेयरधनीहरुलाई हाल कायम चुक्तापुँजी १ अर्ब ३४ करोड ७५ लाख १८ हजार ९०० रुपैयाँको कुल १४.७४ प्रतिशत लाभांश वितरण गर्ने प्रस्ताव गरेको हो । प्रस्तावित लाभांशमा १४ प्रतिशतले हुन आउने १८ करोड ८६ लाख ५२ हजार ६४६ रुपैयाँबराबरको बोनस शेयर र कर प्रयोजनार्थ ०.७४ प्रतिशतले हुन आउने ९९ लाख २९ हजार ८७ रुपैयाँबराबरको नगद लाभांश छन् ।
साना किसान विकास लघुवित्त वित्तीय संस्था लिमिटेडले गत आर्थिक वर्ष २०८१/८२ को मुनाफाबाट हाल कायम चुक्ता पूँजीको कुल १४ प्रतिशत लाभांश घोषणा गरेको हो । जसमध्ये १३.३० प्रतिशत बोनस शेयर र ०.७० प्रतिशत नगद लाभांश (कर समेत) वितरण गर्नेछ ।
छिमेक लघुवित्त वित्तीय संस्थाले शेयरधनीलाई हाल कायम भुक्ता पुँजीको १५ प्रतिशत लाभांश दिने निर्णय गरेको छ जसमा कम्पनीले ८ प्रतिशत बोनश र ७ प्रतिशत नगद (कर समेत) नगद लाभांश दिने निर्णय गरेको हो ।
मिथिला लघुवित्त वित्तीय संस्थाले गत आर्थिक वर्षको मुनाफाबाट शेयरधनीहरुलाई हाल कायम चुक्तापुँजी १९ करोड ६० लाख २ हजार ७५५.५६ रुपैयाँको कुल १५ प्रतिशतले हुन आउने २ करोड ९४ लाख ४१३ रुपैयाँबराबरको लाभांश वितरण गर्ने निर्णय गरेको हो। प्रस्तावित लाभांशमा १४।२९ प्रतिशतले हुन आउने २ करोड ८० लाख ३९३.६५ रुपैयाँ र कर प्रयोजनार्थ ०.७१ प्रतिशतले हुन आउने १४ लाख १९.६८ रुपैयाँबराबरको नगद लाभांश छन्।
