काठमाडौं । सिटिजन्स बैंक इन्टरनेसनलले लाभांश वितरण र वार्षिकक साधारणसभा प्रयोजनार्थ बुक क्लोजको मिति तय गरेको छ।
बैंक सञ्चालक समितिको सोमबार बसेको बैठकले यही असोज २९ गते एक दिन बुक क्लोज गर्ने निर्णय गरेको हो। यसको अर्थ असोज २३ गतेसम्म कायम शेयरधनीहरुमात्रै यो बैंकको लाभांश पाउन र सभा भाग लिन योग्य हुनेछन्। असोज २४ गतेदेखि २८ गतेसम्म दसैँ बिदा परेको छ।
बैंकले आर्थिक वर्ष २०८०।८१ को वितरणयोग्य मुनाफाबाट २०८१ असार मसान्तको चुक्तापुँजी १४ अर्ब २० करोड ९ लाख ७४ हजार ६ रुपैयाँको कुल ४.२१ प्रतिशत लाभांश वितरण गर्ने निर्णय गरेको छ। जसमा ४ प्रतिशतले हुन आउने ५६ करोड ८० लाख ३८ हजार ९६०.२३ रुपैयाँबराबरको बोनस शेयर र कर प्रयोजनार्थ ०.२१ प्रतिशतले हुन आउने २ करोड ९८ लाख ९६ हजार ७८७.३८ रुपैयाँबराबरको नगद लाभांश छन्।
आगामी १८ औँ वार्षिक साधारणसभाबाट लाभांश अनुमोदन गरी शेयरधनीहरुलाई वितरण गरिने बैंकले जनाएको छ।
