काठमाडौं । भारतीय शेयर बजारमा सोमबार पहिरो गएको छ। सेन्सेक्स १२७२ अंकले घटेको छ भने निफ्टीमा ३६८ अंकको गिरावट आएको छ। योसँगै सेन्सेक्स ८४ हजार २९९ को विन्दुमा बन्द भएको छ। निफ्टी पनि २५ हजार ८१० को विन्दुमा झरेको छ।
सेन्सेक्सका ३० शेयरमध्ये २५ वटाको भाउ घटेको छ भने ५ वटाको बढेको छ। निफ्टीमा रहेका ५० शेयरमध्ये ४१ वटामा गिरावट आएको छ भने ९ वटाको बढेको छ। एनएसईको अटो सेक्टरमा सबैभन्दा बढी गिरावट आएको छ।
गत शुक्रबार भारतीय बजार हालसम्मकै उच्च विन्दुमा पुगेको छ। त्यस दिन सेन्सेक्स ८५ हजार ९७८ को विन्दुमा र निफ्टी २६ हजार २७७ को विन्दुमा बन्द भएको थियो।
अन्य एसियाली बजारमे जापानको निक्केईमा ४.८० प्रतिशतको गिरावट आएको छ भने हङकङको ह्याङस्याङ इन्डेक्स २.४३ प्रतिशतले बढेको छ। चीनको सांघाई कम्पोजिट इन्डेक्स ८.०६ प्रतिशतको बढोत्तरीका साथ बन्द भएको छ।
