आज घट्यो सुन चाँदीको भाउ, कतिमा हुँदैछ कारोबार ?

काठमाडौं । आज सुनको मूल्य घटेको छ । केहि दिनदेखि सुनको मूल्य निरन्तर बढेर नयाँ उचाई कायम गर्दै आएको थियो । आज सुनको मूल्य तोलामा ६ सय रुपैयाँले घटेर प्रतितोला १ लाख ५६ हजार ७०० रुपैयाँमा कारोबार भइरहेको छ ।

अघिल्लो दिन भने छापावाला सुनको मूल्य प्रतितोला १ लाख ५७ हजार ३०० रुपैयाँ थियो । आज चाँदीको मूल्य पनि घटेको छ । आज चाँदीको मूल्य १० रुपैयाँले घटेर प्रतितोला १ हजार ९०५ रुपैयाँ कायम भएको छ ।