काठमाडौं । अबको ४ वर्षमा चीनको मोटर बीमा बजार करिब १५९ अर्ब डलरको हुने अनुमान गरिएको छ।
ग्लोबल डेटाका अनुसार सन् २०२८ सम्म चीनको मोटर बीमाको कुल प्रिमियम ५.४ प्रतिशतको वार्षिक बढोत्तरीका साथ १५८.९ अर्ब डलर पुग्ने अनुमान गरिएको छ। यो वर्ष भने मोटर बीमाको कुल प्रिमियम ५.२ प्रतिशतले बढेर १२७.४ अर्ब डलर हुने ग्लोबल डेटाको अनुमान छ।
सहज नियामक व्यवस्थाको विकास र न्यु इनर्जी भेहिकल (एनईभी)को बढ्दो मागले मोटर बीमाको बजार बढ्ने अनुमान गरिएको हो। चिनियाँ मोटर बीमा बजारले सन् २०२२ र २०२३ मा पनि ५.६ प्रतिशतको बढोत्तरी देखेको थियो। जब कि सन् २०२१ मा ५.७ प्रतिशतले मोटर बीमाको बजार खस्केको थियो।
चाइना एसोसिएसन अफ अटोमोबाइल म्यानुफ्याक्चरिङ (सीएएएम) वर्ष २०२४ को पहिलो त्रैमासमा चीनमा गाडी बिक्री अघिल्लो वर्षको यही अवधिको तुलनामा १०.६ प्रतिशतले बढेको छ। पहिलो त्रैमासमा ६७ लाख २० हजार युनिट गाडी बिक्री भएको सीएएएमले जनाएको छ। –एजेन्सी
