काठमाडौं । चीनले ग्रामीण क्षेत्रमा स्वास्थ्य बीमाको पहुँच बढाउन व्यापाक पहल गरेको छ। यही पहलअन्तर्गत हालसम्म चीनको ७२ प्रतिशतभन्दा बढी ग्रामीण क्लिनिकमा स्वास्थ्य बीमा सेवा विस्तार गरिएको छ।
नेसनल हेल्थकेयर सेक्युरिटी एड्मिनिस्ट्रेसन (एनएचएसए)का अनुसार राष्ट्रिय स्वास्थ्य बीमा प्रणालीअन्तर्गत ७२ प्रतिशतभन्दा बढी ग्रामीण क्लिनिकमा स्वास्थ्य बीमा सेवा विस्तार गरिएको हो। यसको मुख्य उद्देश्य ग्रामीण क्षेत्रका मानिसमा स्वास्थ्य बीमाको पहुँच बढाउनु रहेको एनएचएसएले जनाएको छ।
चीनमा ५ लाख ८० हजार ग्रामीण क्लिनिक छन्। तीमध्ये १ लाख क्लिनिकबाट सर्वसाधारणले आधारभूत स्वास्थ्य बीमा र सुविधा पाउँछन् भने ३ लाख २० हजार क्लिनिकहरु बीमा प्रणालीमा आबद्ध भएका छन्। एनएचएसए र राष्ट्रिय स्वास्थ्य आयोगले सबै ग्रामीण क्लिनिकलाई यो वर्षको अन्त्यसम्म बीमा प्रणालीमा आबद्ध गर्ने योजना बनाएका छन्।
यो योजनाको मुख्य उद्देश्य ग्रामीण क्षेत्रमा रहेका जनतालाई स्वास्थ्य बीमामा आबद्ध गरेर सामान्य रोगको पनि औषधोपचारको सहज पहुँच विस्तार गर्ने रहेको छ। यस पहलबाट न्यून आय भएका ग्रामीण जनतालाई स्वास्थ्य बीमामा आबद्ध गर्नु रहेको एनएचएसएले जनाएको छ। –एजेन्सी
